شعورنیوز( انٹرنیشنل ڈیسک):نیدرلینڈز کو ایک نیا شہری ملنے والا ہے! 19 اکتوبر کو نیدرلینڈز کے وزیر اعظم، 39 سالہ روب جیٹن نے اپنے انسٹاگرام اکاؤنٹ پر اعلان کیا کہ وہ اور اُس کے مرد منگیتر، 29 سالہ اولمپین نیکو کینن ، اپنے پہلے بچے کے والدین بننے والے ہیں۔ پوسٹ میں وہ ایک تصویر میں اپنی 'سیروگیٹ' کے ساتھ موجود ہیں۔

یہ کام وہ دونوں مرد حضرات جدید سائنسی ترقی کے عقیدے سے پیدا شدہ معاشرت کوبڑھاوا دینے کے لیے کر رہے ہیں۔ جدید الحادی سائنس نے اس عمل کو ’’سروگیسی‘‘ قرار دیا ہے یعنی آپ کسی بھی خاتون کی کوکھ میں اُس کے بھی کچھ قطرے قیمت دے کر 9 ماہ تک پرورش کروالیں۔اگر آپ کے پاس اتنا پیسہ موجود ہے تو کوئی مسئلہ نہیں۔

اس جوڑے نے انگریزی، ڈچ اورہسپانوی زبانوں میں کیپشن لکھا: "ایک بہت ہی خاص مہمان آنے والا ہے۔ 2027 میںملتے ہیں، ننھے منے!

انہوں نے مزید لکھا:ہمارے پاس اپنی 'ایگ ڈونر' ، ہماری سیروگیٹ مدر لیزا اور ان دونوں کے خاندانوں کا شکریہ ادا کرنے کے لیے الفاظ نہیں ہیں۔ آپ کے بغیر یہ سب ممکن نہ ہوتا۔

جیٹن کو گزشتہ اکتوبر میں نیدرلینڈز کا وزیر اعظم منتخب کیا گیا تھا۔ جرمن میڈیا کے مطابق، وہ اس عہدے پر فائز ہونے والے سب سے کم عمر اور پہلے کھلے عام ہم جنس پرست (gay) امیدوار تھے۔جیٹن بھی اپنے منگیتر کینن کے لیے ہمیشہ معاون رہے ہیں۔اس جوڑے نے نومبر 2024 میں اپنی منگنی کا اعلان کیا تھا۔ کینن نے انسٹاگرام پر اپنی منگنی کی انگوٹھی کی تصویر شیئر کرتے ہوئے لکھا: "جلد
ہی 'مسٹر اینڈ مسٹر' (Mr & Mr) بننے والے ہیں۔ابھی تک یہ منگنی میں ہیں اور چونکہ شادی کا تصور وہاں ایک سماجی معاہدے کی شکل رکھتا ہے اس لیے ’باپ ‘بننےمیں کوئی مسئلہ نہیں لگتا۔بی بی سی کے مطابق، یہ دونوں اس سال شادی بھی کرنے والےہیں۔

اب نیدر لینڈز کی داخلی سیاست میں مسئلہ ایسا ہے کہ اس ہم جنس پرست وزیر اعظم کے مقابلے پر وہاں ایک بدترین ملعون گستاخ ’گیرٹ ویلڈر‘ الیکشن میں کھڑا ہواتھا۔وہاں 6 فیصد مسلمان بھی بستے ہیں۔ مفت سہولیات کی وجہ سے نیدرلینڈز میں مسلمانوں کی اکثریت ترک اور مراکشی نژاد تارکین وطن پر مشتمل ہے۔ اس کے علاوہ شام، افغانستان،عراق، صومالیہ اور سورینام سے تعلق رکھنے والے مسلمانوں کی بھی ایک بڑی تعداد وہاں آباد ہے۔

گہری عیسائی و بادشاہت کی تاریخ رکھنے کے باوجود چونکہ انہوں نے بھی لبرل سرمایہ دارانہ نظام کو دل سے اپنایا تو وہاں اب الحاد 60 فیصد کے قریب پھیل چکا ہے اور معاشرت و خاندان مستقل زوال کی طرف گامزن ہے۔وہاں ا ب بھی قدامت پسند عیسائی (بائبل بیلٹ کے رہائشی) اور تارکین وطن پر مشتمل مسلم آبادی اپنے سخت مذہبی عقائد کے باعث اس الحادی طرزِزندگی کی کھل کر مخالفت کرتی ہے۔

اس میں سمجھنے کی بات یہ ہے کہ جدید لبرل تصور ترقی اپنانے سے صرف ٹیکنالوجی یا مشینیں یا آلات نہیں آتے بلکہ ایک پوری معاشرت ساتھ آتی ہے اور مستقل پھیلتی چلی جاتی ہے۔یہ جسارا جدید تصور ترقی اور اس کے لیے پیدا شدہ سائنس و ٹیکنالوجی کسی خدمت کے لیے نہیں بلکہ ب کچھ خود کرکے خداکے وجود کو بے معانی کرنے کے لیے ہے ۔