یہ سوال اکثر ذہن میں آتا ہے کہ اگر اللہ کی یہ صفات ہیں، تو پھر ان کے اظہار کا مقصد کیا تھا؟ یا یہ صفات ظاہر کرنے کی ضرورت کیوں پیش آئی؟

اصل بات یہ ہے کہ صفات کے اظہار پر "کیوں" کا سوال ہی درست نہیں۔ جیسے پہلے بتایا گیا کہ صفت اور اس کے اظہار کا تعلق "وجہ" کا نہیں بلکہ "ہونے" (to be) کا ہے۔

اہلِ مذہب کا اصولی نکتہ یہ ہے کہ ہم اللہ کو صرف اتنا ہی جان سکتے ہیں جتنا اس نے خود اپنے نبیوں کے ذریعے ہمیں بتایا ہے۔ اس سے زیادہ عقل سے کھوجنے کی کوشش کرنا عقل پر وہ بوجھ ڈالنا ہے جو وہ اٹھا ہی نہیں سکتی۔ مثال کے طور پر، اللہ نے خود فرمایا کہ وہ "خالق" ہے، تو ہمیں یہی علم ہوا کہ مخلوق کا ہونا اس کی صفتِ خالقیت کا اظہار ہے۔

جب ہم انسان مقصد پوچھتے ہیں تو اکثر اس کا مطلب ہوتا ہے کہ کوئی ایسی چیز ہے جو ذات سے ہٹ کر ہے جس کے لیے یہ عمل کیا گیا۔ لیکن اللہ کی ذات "الصمد" (self-determined and contained) ہے، یعنی وہ کامل ہے، کسی بیرونی مقصد یا سہارا کا محتاج نہیں۔ لہٰذا اللہ کے کسی کام کا کوئی "بیرونی مقصد" ہو ہی نہیں سکتا۔اور اب کسی بیرونی مقصد کا سوال کرنا بذات خود ایک تضاد ہوگا کہ آپ ایک ذات کو "الصمد" کہہ رہے ہیں جو کسی چیز کی محتاج نہیں اور دوسری طرف اس کے افعال کے "بیرنی مقصد" کوتلاش کرنا گویا اس کے محتاج ہونے کا سوال ہے

ہاں، اس کا تعلق "اندرونی" صفات کے اظہار سے ہے۔ اور اس اندرونی پہلو کو بھی ہم اتنا ہی جان سکتے ہیں جتنا اللہ نے خود بتایا ہے۔ قرآن میں اللہ نے کہا کہ وہ "فعالٌ لما یرید" ہے، یعنی جو چاہتا ہے کر گزرتا ہے۔ گویا مخلوق کو پیدا کرنا اس کی صفت "ارادہ" کا اظہار ہے۔ اس سے آگے ہم کوئی یقینی بات نہیں کر سکتے۔

یہاں ایک غلطی یہ بھی ہوتی ہے کہ ہم اللہ کی صفات کو الگ الگ دیکھنے لگتے ہیں۔ حالانکہ اہل مذھب کا متفقہ نکتہ ہے کہ اللہ ایک ہیہ وقت میں"خالق" ، "عادل" ، "علیم" ، "حکیم" ہے۔ اس لیے بہتر یہ کہنا ہے کہ:"اللہ اپنے ارادے سے اپنی صفات کا، اپنی شان کے مطابق اور حکمت کے ساتھ اظہار کرتا ہے۔"

پڑھیں / ایمانیات

کیاخداکوہماری عبادت کی ضرورت ہے؟

فہرست

تعارف

خدا نے ہمیں اپنی عبادت کے لیے کیوں پیدا کیا؟

ایک مثال سے سمجھیں

صفت اور اس کے اظہار کا تعلق

صفاتِ الٰہی کے اظہار کا مقصد؟

متعلق اور غیر متعلق سوال

فہرست