یہ بالکل عام مشاہدہ ہے کہ ہم جس ہستی کو بارہا یاد کرتے ہیں، جس کا ذکر ہم زباں پر بار بار لاتے ہیں، اس سے ہمارا ذہنی و روحانی تعلق پیدا ہوجاتا ہے ، ہماری روح اور ذہن کی Vibrational Energies اس کے ساتھ منسلک ہوجاتی ہیں اور ہمارے اندر بھی کم و بیش وہی صفات پیدا ہونے لگتی ہیں جو اس ہستی میں ہو۔

خدا کی عبادت کرنے ، اسے بار ہا یاد کرنے کا مقصد یہی ہے کہ ہمارے اندر وہ صفات پیدا ہوں جس کا مطالبہ ہم سے کیا گیا ہے۔ رحم، انصاف، سلامتی،سکون ، اطمینان، غرضیکہ ہر وہ رنگ ہمارے اندر پیدا ہوجو خدا کا رنگ ہے ۔ اگر ہم ظاہر و باطن سے خدا کے بندے بن جائیں تو وہ خصوصیات اپنے اندر پیدا کرسکتے ہیں کہ جن سے ہماری اخروی نجات اور معاشرے کی فلاح ممکن ہے۔ قرآن مجید میں بندوں کی جانب سے اظہار عبودیت یوں بیان کیا گیا ہے :

صِبْغَةَ اللّـٰهِ ۖ وَمَنْ اَحْسَنُ مِنَ اللّـٰهِ صِبْغَةً ۖ وَّنَحْنُ لَـه عَابِدُوْنَ

اللہ کا رنگ۔۔۔اللہ کے رنگ سے بہتر رنگ کس کا ہو سکتا ہے اور ہم تو اسی کی عبادت کرنے والے ہیں۔_{(سورۃ البقرۃ، آیت 138)}

(ماخوذ از: ’’سورۃ الفاتحہ فلسفہ و مذاہب کے تناظر میں ‘‘حافظ محمد شارق۔ ادارہ تحقیقاتِ مذاہب)

پڑھیں / ایمانیات

کیا خدا کو ہماری عبادت کی ضرورت ہے؟

فہرست

ہم خدا کی عبادت کیوں کرتے ہیں؟

عبادت کا روحانی و نفسیاتی پہلو:

فہرست