شعورنیوز(انٹرنیشنل ڈیسک): عالمی لبرل ایجنڈے کے نفاذ کے سب سے بڑے نمائندہ ادارے اقوام متحدہ کی جنرل اسمبلی کا اعلیٰ سطحی اجلاس منگل سے نیویارک میں شروع ہو رہا ہے۔ تقریباً 130 سربراہانِ مملکت و حکومت اس سے خطاب کریں گے۔ اس بار بھی فلسطینی حکام کو براہِ راست شرکت کا موقع نہیں دیا گیا۔ دوسری بار امریکی حکومت کی جانب سے ویزے مسترد کیے جانے کے باعث فلسطینی حکام ذاتی طور پر شریک نہیں ہو سکیں گے۔لبرل جانبداری کی اس سے بڑی مثال دینا ممکن نہیں ۔

مباحثہ ہفتہ 26 ستمبر تک پھر 28 ستمبر کو دوبارہ شروع ہو گا۔ سیکریٹری جنرل انتونیو گوتیرش سالانہ رپورٹ کے ساتھ اجلاس کا آغاز کریں گے۔برازیل سب سے پہلے خطاب کرتا ہے ۔ میزبان ملک ہونے کے ناطے امریکہ عموماً دوسرے نمبر پر خطاب کرتا ہے۔دیگر رکن ممالک کی ترتیب نمائندگی کی سطح (سربراہ مملکت، حکومت، یا وزیر)، اظہار کردہ ترجیحات، اور جغرافیائی توازن کی بنیاد پر طے کی جاتی ہے۔ ویٹی کن سٹی اور یورپی یونین کو بھی محدود وقت کے ساتھ خطاب کی دعوت دی گئی ہے۔اس سال کا موضوع "اعتماد کی بحالی، تبدیلی کا انتظام: سب کے لیے کام کرنے والی اقوام متحدہ" رکھا گیا ہے۔ اجلاس کے دوران موسمیاتی تبدیلی، سمندری سطح میں اضافے، وبائی امراض کی تیاری، نسل پرستی اور جوہری تخفیف اسلحہ جیسے موضوعات پر اعلیٰ سطحی اجلاس بھی منعقد ہوں گے۔

3سال سے غزہ جنگ، یوکرین جنگ اور اس کے بعد ایران پر حملوں کے بعد ناقدین جانتے ہیں کہ عالمی اداروں پر اعتماد نام کی کوئی چیز نہیں بچی ہے۔ یہ سب ادارے یکسر ناکام ہی نہیں خاص ایجنڈے کی طرف جانبدار ہیں۔اس لیے تھیم میں اعتماد کی بحالی کا ڈرامہ کی جا رہا ہے ۔ اسی طرح جس تبدیلی کے نظام کیجانب متوجہ کیا جا رہا ہے وہ دراصل سرمایہ دارانہ نظام کا فیز ہے جو موسمیاتی بحران کے بعد اب مصنوعی ذہانت کے بحران میں داخل ہو چکا ہے۔بین الاقوامی مالیاتی نظام کے دباؤ کے تناظر میں اقوام متحدہ کے اپنے ڈھانچے کو "فٹ فار فیوچر" بنانے کی کوشش کی جائیگی ۔