شعورنیوز( انٹرنیشنل ڈیسک): قابض اسرائیل کے خلاف حوثیوں کی مؤثر کارروائیوں کو کمزور کرنے کے لیے برطانیہ بھی سعودی عرب کی مدد کو آگیا۔ فلسطین کی زمین پر قابض اسرائیل کو بنانے والے برطانیہ نے سعودی عرب اور یمن کے درمیان جاری تنازعہ میں علانیہ انٹری ڈال دی۔اس کا ایک پہلو تو یہی ہے کہ 2مسلمانوں کے درمیان جاری تنازعے کے درمیان ایک کافر ایک مسلمان کی علانیہ مدد کو سامنے آگیا ہے۔دوسری جانب حوثیوں کی شناخت محافظین قدس کی شمار کی جاتی ہیں جنہوں نے 3 سال سے طوفان الاقصیٰ کی غیر معمولی مدد جاری رکھی ہوئی

ہے۔ طوفان الاقصیٰ کے بعد ہونے والی قدس کی حفاظت اور کمپرومائز ممالک کی تقسیم کاراب اہم لکیر بن چکی ہے۔

برطانیہ نے سعودی عرب کو حوثی باغیوں کے بڑھتے ہوئے فضائی حملوں سے محفوظ رکھنے میں مدد دینے کے لیے اپنے لڑاکا طیارے تعینات کرنے کا اعلان کیا ہے۔برطانوی حکومت کے مطابق رائل ایئر فورس کے ٹائفون لڑاکا طیارے سعودی شہروں اور اہم تنصیبات کے دفاع کے لیے فضائی مشنز انجام دیں گے۔برطانوی وزارتِ دفاع نے منگل کو جاری بیان میں کہا کہ برطانیہ دفاعی فضائی کارروائیاں کرے گا تاکہ سعودی عرب کے شہروں اور اہم قومی تنصیبات کو فضائی حملوں سے تحفظ فراہم کرنے میں مدد دی جا سکے۔

حوثیوں کی مدد کے تناظر میں ایران کا نام لیا جاتا ہے لیکن ایران نے ہمیشہ تردید ہی کی ہے مگر برطانیہ نے علانیہ تعاون کیا ہے۔یوں یمنی حوثیوں اور سعودی عرب کے درمیان داخلی امور کے کسی قضیہ کو مزید ہوا دینے کے لیے یورپی طاقتیں ایک فریق کی پارٹی بن کر سامنے آگئی ہیں۔ اس عمل نے مسلمانوں کے لیے حمایت کے عمل کو مزید پیچیدہ کردیا ہے۔ برطانیہ کی آمد اور اس سے قبل امریکہ کا سعودی عرب کو اسرائیلی مدد لینے پر زور دینا بتاتا ہے کہ اب اس صورتحال کو عالمی طاغوت کے خلاف مزاحمت کے تناظر میں دیکھنے کی ضرور ت ہے ۔
سعودی عرب کے دفاع کی کارروائیوں کے لیے رائل ایئر فورس کے ٹائفون لڑاکا طیارے استعمال کیے جائیں گے۔ برطانوی حکومت نے اس اقدام کا مقصد سعودی عرب کو حوثی باغیوں کے بڑھتے ہوئے حملوں سے بچانے میں تعاون فراہم کرنا قرار دیا ہے۔

یہ پیش رفت ایسے وقت میں سامنے آئی ہے جب سعودی عرب اور خطے میں سکیورٹی خدشات بڑھ رہے ہیں۔ برطانیہ کی جانب سے دفاعی فضائی مشنز کا اعلان سعودی عرب کے تحفظ کے لیے دونوں ممالک کے درمیان عسکری تعاون کی اہمیت کو ظاہر کرتا ہے۔تاہم، فراہم کردہ بیان میں طیاروں کی تعداد، تعیناتی کے مقام یا مشنز کے آغاز کے وقت کی تفصیلات نہیں دی گئیں۔
اقوامِ متحدہ نے 20 اکتوبر کو جاری کردہ بیان میں بتایا ہے کہ یمن میں دوبارہ شروع ہونے والی لڑائی کے باعث اب تک ڈھائی لاکھ سے زیادہ مسلمان اپنے گھر بار چھوڑنے پر مجبور ہو چکے ہیں۔

عالمی ادارے نے تعز شہر اور اس کے نواحی علاقوں میں پناہ لینے والے معصوم مسلمانوں کی صورتِ حال پر تشویش کا اظہار کرتے ہوئے خبردار کیا ہے کہ ان علاقوں تک رسائی تقریباً ناممکن ہو چکی ہے۔