شعورنیوز(انٹرنیشنل ڈیسک):جدید برطانیہ میں 14 دن میں 2ہزار سے زائد ہوئی جہاز کی فلائٹس کا معطل ہوجانا غیر معمولی توجہ لے گیا۔خبر صرف پروازوں میں تاخیر کی نہیں؛ جدیدیت کے ایسے بحران کی جانب اشارہ ہے جس میں معمولی تکنیکی خرابی پورے نظام کو مفلوج کرنے کی طاقت کیسے حاصل کر لیتی ہے؟

21 ستمبر کو برطانیہ کے نیشنل ایئر ٹریفک سروسز کے ایک مرکز میں انٹرنیٹ /سافٹ ویئرکنکشن کا مسئلہ پیدا ہوا، جس سے اسکاٹ لینڈ، شمالی انگلینڈ اور شمالی آئرلینڈ میں پروازیں متاثر ہوئیں۔ NATS کے مطابق یہ 8 ستمبر کے واقعے سے الگ تھا؛ اس سے پہلے صرف ایک چھوٹے سے software defect نے 2,000 سے زیادہ پروازیں منسوخ کروا دی تھیں۔

برطانیہ میں فضائی سفر کا ایک بار پھر تکنیکی خرابی کے باعث شدید بحران سے دوچار ہونا اس سوال کو سامنے لے آیا ہے کہ جدید ٹیکنالوجی نے انسانی نظام کو آسان بنایا ہے یا اسے چند انتہائی حساس ’’سنگل پوائنٹ آف فیلئر‘‘ کے رحم و کرم پر چھوڑ دیا ہے؟

یہ مسئلہ کسی دشمن ملک کا سائبر حملہ بھی نہیں تھا۔ ادارے نے اس خرابی کو اپنے نیٹ ورک کے ایک حصے کا قرار دیا۔ 8 ستمبر کو ایسا ہی ایک اور واقعہ پیش آچکا تھا۔ صرف چند ملی سیکنڈ کے ایک انتہائی مختصرمسئلے نے سارا نظام مفلوج کردیا2,000 سے زیادہ پروازیں منسوخ ہوئیں؛ مسافروں کا بحران کئی دن تک جاری رہا۔ یوں جدید ٹیکنالوجی کی اصل دو دھاری تلوار سامنے آئی ۔

ٹیکنالوجی کا بنیادی وعدہ یہ تھا کہ انسان کی غلطی کم ہوگی، رفتار بڑھے گی، معلومات لمحوں میں منتقل ہوں گی اور بڑے بڑے نظام زیادہ مؤثر انداز میں چلیں گے۔

مگر اسی عمل کا دوسرا پہلو یہ ہے کہ جیسے جیسے پورا نظام ڈیجیٹل اور interconnected ہوتا جاتا ہے، ایک مرکزی software، network، cloud service یا security platform کی خرابی کا اثر بھی کئی شعبوں میں بیک وقت منتقل ہوسکتا ہے۔اس کی سب سے بڑی مثال 19 جولائی 2024 کا عالمی CrowdStrike outage ہے۔یہ بھی کوئی ہیکنگ نہیں تھی۔CrowdStrike کے ایک faulty software update نے Windows چلانے والے دنیا بھر کے لاکھوں کمپیوٹرز کو crash کردیا۔ نتیجتاً ہوائی اڈے، ایئر لائنز، ہسپتال، بینک، ٹی وی چینلز اور دوسرے کاروباری ادارے متاثر ہوئے۔

امریکی Government Accountability Office نے بھی اسے ایک بڑے عالمی IT outage کے طور پر دستاویزی شکل دی اور واضح کیا کہ یہ cyberattack نہیں بلکہ faulty update کا نتیجہ تھا۔

یعنی ایک دلچسپ صورت حال پیدا ہوئی:

جس software کا مقصد کمپیوٹر کو سائبر حملوں سے محفوظ رکھنا تھا، اسی کے ایک غلط update نے دنیا بھر میں کمپیوٹر سسٹمز کو متاثر کردیا۔

یہی ’’دو دھاری تلوار‘‘ ہے۔مسئلہ صرف یہ نہیں کہ کوئی ہیکر نظام میں داخل ہوسکتا ہے۔ اصل مسئلہ یہ بھی ہے کہ نظام اس قدر باہم جڑ جائیں کہ ایک software defect، configuration error، network failure یا غلط update خود ایک domino effect پیدا کردے۔

اسے ایک سادہ مثال سے سمجھیں۔

اگر ایک شہر کے ہر گھر میں پانی کے لیے الگ کنواں ہو تو ایک کنواں خراب ہونے سے پورا شہر پیاسا نہیں ہوگا۔لیکن اگر پورے شہر کا پانی ایک ہی مرکزی پائپ، ایک ہی pumping station اور ایک ہی control system سے گزرنے لگے تو شاید کارکردگی بہت بڑھ سکتی ہےمگر اسی کے ساتھ vulnerability بھی مرکزی ہوجاتی ہے۔

اب ایک جگہ خرابی ہوئی تو اثر صرف ایک گھر تک محدود نہیں رہتا۔جدید ڈیجیٹل انفراسٹرکچر ’یونیفارمٹی اور مرکزیت ‘کے لادین تصورات پرکھڑا ہے اس میں سنگین مسائل پوشیدہ ہیں۔

ایک server سے ہزاروں ادارے جڑے ہیں۔ایک cloud provider سے ہزاروں کمپنیاں جڑی ہیں۔ایک software platform لاکھوں machines پر چل رہا ہے۔ایک network centre ہزاروں transactions یا operations کو coordinate کررہا ہے۔

لہٰذا ’’مرکزی کارکردگی‘‘ کے ساتھ ’’مرکزی خطرہ‘‘ بھی پیدا ہوجاتا ہے۔اصل سوال ٹیکنالوجی پر انحصار کی ساخت کا ہے۔اگر نظام کی تعمیر اس اصول پر ہو کہ ’’کمپیوٹر کبھی ناکام نہیں ہوگا‘‘ تو وہ نظام بظاہر انتہائی جدید لیکن حقیقت میں انتہائی نازک ہوسکتا ہے۔

برطانیہ کا واقعہ بتات ہے کہ اگر ایک ملی سیکنڈ کا تکنیکی مسئلہ اتنے بڑے جغرافیائی علاقے میں پروازوں کو متاثر کرسکتا ہے تو ’’خرابی کتنی جلدی ٹھیک ہوئی‘‘سے زیادہ اہم یہ ہے کہ خرابی کا اثر اتنا وسیع کیوں ہوا؟انسانی نظام کا انحصار جتنا ٹیکنالوجی پر منتقل ہو رہا ہے یہ بات جاننی ہوگی کہ اگر ٹیکنالوجی اچانک کام کرنا چھوڑ دے تو کیا ہمارا نظام پھر بھی چل سکتا ہے؟