شعور نیوز( ویب ڈیسک): سوشل میڈيا اکاؤنٹ اور رقم کے لین دین پر چھوٹی بہن کو قتل کرنیوالی ملزمہ کو والدین نے معاف کردیا.گوجرانوالہ میں بڑی بہن کے ہاتھوں مبینہ طورپر چھوٹی بہن کے قتل کیس میں ملزمہ کو ورثا نے معاف کردیا۔دونوں بہنوں کے درمیان سوشل میڈیا اکاؤنٹ اور رقم کے لین دین پر جھگڑا ہوا تھا۔

ایڈیشنل سیشن جج کی عدالت میں ملزمہ کی درخواست ضمانت پر کیس کی سماعت ہوئی۔ عدالت میں ملزمہ کے والد اور والدہ نے معافی نامہ جمع کراتے ہوئے اسے معاف کردیا۔ عدالت نے ملزمہ کو 14 روزہ جوڈیشل ریمانڈ پر جیل بھجوا دیا، والدین کے بیان کی بنیاد پر عدالت نے ملزمہ کی درخواست ضمانت منظورکرلی۔

عدالت نے 50 ہزار روپےکے مچلکوں کے عوض ملزمہ کی ضمانت منظور کی۔ پولیس کے مطابق قتل کا واقعہ 30 اگست کو لدھیوالا وڑائچ میں پیش آیا تھا، دونوں بہنیں سوشل میڈیا پر ویڈیوز بناتی تھیں۔ پولیس کے مطابق دونوں بہنوں کے درمیان سوشل میڈیا اکاؤنٹ اور رقم کے لین دین پر جھگڑا ہوا تھا جس کے بعد چھوٹی بہن کے قتل کا واقعہ پیش آیا۔ یہ وہی والدین ہیں جنہوں نے اپنی اولادوں کو بڑی کوئی جدید ٹیکنالوجی سمجھ کر یہ موبائل اور علمی کمال حاصل کرنے کے لیے انٹرنیٹ دلوایا ہوگا۔ اس کا انجام ایسا نکلتا ہے لوگ اب بھی سمجھنا نہیں چاہ رہے۔سوشل میڈیا کو غیر اقداری سمجھنے والے نادان لوگ اب بھی اس سے باز نہیں آئیں گے کیونکہ یہ نام نہاد ترقی ، کمائی ، شہرت کا لبادہ اوڑھ کر آیا ہے ۔ سرمایہ دارانہ نظام میں ڈوبے ان سب آلات کے استعمال سے رشتوں کی تقدیس سب سے پہلے ختم ہوجاتی ہے ۔