شعورنیوز(انٹرنیشنل ڈیسک): سعودی عرب نے 16 ستمبر کو ایک ڈرون مارگرایا اور میڈیا پر اس کو مکہ پر حملہ قرار دے کر پیش کیا۔حملے کے بعد عالمی میڈیا پر یہ خبر نشر ہوگئی کہ امریکہ نے سعودی عرب کے دفاع میں مدد کے لیے اسکو اسرائیل کے ساتھ بٹھا دیا ہے۔حوثیوں نے اس ڈرون حملے کی ذمہ داری قبول نہیں کی اور اس حملے کی تردید کی ہے۔
سعودی عرب نے 2026ء کے بجٹ میں فوجی شعبے کے لیے تقریباً 240 ارب سعودی ریال مختص کیے ہیں۔ یہ تقریباً 64 ارب امریکی ڈالر بنتے ہیں۔اتنا بڑا دفاعی بجٹ رکھنے والا ملک محض ایک قبیلے جس کے پاس کوئی ٹیکنالوجی تو دور کی بات شاید 1 ارب ڈالر کا بھی بجٹ نہ ہو اُس کے حملوں سے اتنا خوف زدہ ہوکر سعودی عرب کا سیدھا اسرائیل سے مدد مانگنے جانا سب کے نزدیک عجیب معاملہ ہے۔ اس حملے سے 5دن قبل عراق سے کامیاب ڈرون حملے سعودی عرب پر ہوئے لیکن اس معاملے پر سعودی عرب خاموش ہے، سارازور صرف حوثیوں پر رکھا ہوا ہے۔

امریکی صدر ڈانلڈ ٹرمپ پہلے دن سے ناجائز اسرائیل اور اسکے ساتھ سعودی عرب کے تعلقات بہتر بنانے کے لیے نمایاں طور پر کوشاں تھے۔اس موقع پر امریکہ نے ہمیشہ کی طرح پیٹھ دکھائی اور اپنا کام کردیا۔

ترک میڈیا نے لکھا ہے کہ اسرائیل نے امریکی ثالثوں کے ذریعے سعودی عرب کو یمن کے حوثی باغیوں کے بارے میں انٹیلی جنس معلومات بھی فراہم کرنا شروع کر دی ہیں۔ یہ اقدام دونوں ممالک کے درمیان ایک غیر معمولی بالواسطہ سکیورٹی تعاون کی نشاندہی کرتا ہے، خاص طور پر ایسے وقت میں جب علاقائی سمندری نقل و حمل (شپنگ) کو درپیش خطرات پر تشویش بڑھ رہی ہے۔

رپورٹ کے مطابق، اس کے بعد واشنگٹن نے اسرائیلی حکام سے رابطہ کیا جنہوں نے حوثیوں کے بارے میں انٹیلی جنس معلومات فراہم کرنے پر اتفاق کیا؛ اس فیصلے کی بنیاد یہ موقف تھا کہ یہ گروہ وسیع تر علاقائی سلامتی کے لیے خطرہ ہے۔

یہ تعاون ایک ایسے وقت میں سامنے آیا ہے جب اسرائیل اور سعودی عرب کے درمیان باضابطہ سفارتی تعلقات موجود نہیں ہیں۔

اکتوبر 2023 میں غزہ میں اسرائیل کی جانب سے نسل کشی پر مبنی جنگ کے آغاز کے بعد سے، حوثیوں نے اسرائیل اور بحیرہ احمر (اور اس کے آس پاس کے علاقوں) میں موجود بحری جہازوں پر حملے کیے ہیں۔سعودی یا اسرائیلی حکام میں سے کسی نے بھی انٹیلی جنس کے تبادلے کے اس مبینہ انتظام کی عوامی سطح پر تصدیق نہیں کی ہے۔