شعور نیوز( ویب ڈیسک):راولپنڈی میں 20 اگست کی صبح حنا جاوید کی برہنہ لاش اُن کے گھر کے باتھ روم سے اس حالت میں برآمد ہوئی ۔ فیمنسٹوں اور ہیومن رائٹس نے بہت شور مچایا اور اُس کے قتل کے الزام میں حنا کے شوہر ، سسراور ایک گھر کے ملازم کو گرفتار کرلیا گیا۔مقدمے سے متعلق پولیس کی تحقیقات کے بعد اب یہ بات سامنے آئی ہے کہ راولپنڈی کی 45 سالہ خاتون حنا جاوید کے قتل میں مقتولہ کے شوہر ڈاکٹر فیصل اصغر کو بے گناہ قرار دیتے ہوئے ، گھریلو ملازم ذیشان کو مرکزی ملزم قرار دیا ہے۔

تفتیشی ٹیم کے سربراہ کا کہنا تھا کہ ملزم نے دوران تفتیش اعتراف کیا کہ اس نے حنا جاوید کو قتل کرنے کے بعد ان کے ساتھ دو مرتبہ ریپ کیا جو کہ ڈی این اے رپورٹ سے ثابت ہوتا ہے۔

حنا جاوید کے قتل کا مقدمہ اُن کے بھائی فہد جاوید کی مدعیت میں راولپنڈی کے تھانہ سول لائنز میں درج کیا گیا تھا اور اس میں حنا جاوید کے شوہر، سُسر اور ایک گھریلو ملازم کو نامزد کیا گیا تھا۔حنا جاوید قتل کیس کی ڈی این اے رپورٹ کی سمری اور ملزم کے اقراری بیان کے بعد ہولناک انکشافات سامنے آچکے ہیں۔پولیس ذرائع سے میڈیا کو دی گئی اطلاع کے مطابق حنا جاوید کے جسم سے جو مردانہ تولیدی جرثومے ملے وہ ایک گرفتار ملزم ذیشان سے میچ کرگئے ہیں۔

رپورٹ کے مطابق حنا جاوید قتل کے مقدمے میں نامزد تینوں ملزمان کا ڈی این اے ٹیسٹ کیا گیا، ملزمان میں مقتولہ کے شوہر فیصل اصغر، گھریلو ملازم ذیشان ارشد اور سسر فیصل اصغر کے نمونے شامل تھے۔

رپورٹ میں مقتولہ کے شوہر کا ڈی این اے 4 جگہ میچ کرگیا جبکہ مقتولہ حنا جاوید کے ناخنوں سے گھریلو ملازم ذیشان کا ڈی این اے میچ کرگیا، حنا جاوید کے قتل میں استعمال ہونے والی چادر سے ملزم فیصل اصغر کے فنگر پرنٹس ملے ہیں۔ڈی این اے رپورٹ کے مطابق مقتولہ حنا جاوید کے جسم پر ملزم ذیشان ارشد کے فنگر پرنٹس بھی میچ کرگئے ، ڈی این اے رپورٹ کے باوجود پولیس اب تک یہ معلوم نہیں کرسکی کہ حنا جاوید کو کس نے قتل کیا ہے۔

مقتولہ کے اہلخانہ نے پنجاب حکومت کی طرف سے بنائی گئی ہائی پاور انوسٹیگیشن ٹیم پر عدم اعتماد کرتے ہوئے کیس کی شفاف تحقیقات کیلیے جوڈیشل کمیشن بنانے کا مطالبہ کیا ہے۔اُن کو لگتا ہے کہ ثبوتوں سے چھیڑ چھاڑ کر کے پولیس ٹرائیل کورٹ میں اپنی مرضی کا چالان جمع کروانے کی کوشش کر رہی ہے تاکہ اصل ملزم کو فائدہ پہنچ سکے۔

مقتولہ حنا جاوید پاکستان کے ایوان بالا یعنی سینٹ کے سوشل میڈیا ونگ میں کام کرتی تھیں اور مقتولہ کے خاندان نے انصاف کی فراہمی کے حوالے سے وزارت قانون، قومی کمیشن برائے انسانی حقوق اور انسانی حقوق سے متعلقہ قائمہ کمیٹیوں کو بھی خطوط لکھے تھے۔

حنا جاوید کے قتل کے مقدمے کی تفتیش کرنے والی ٹیم میں راولپنڈی کے سٹی چیف پولیس افسر ڈی آئی جی حسن مشتاق سکھیرا بھی شامل ہیں۔

تفتیشی ٹیم کے سربراہ کا یہ بھی کہنا تھا کہ ملزم ڈاکٹر فیصل کے دماغ میں رسولی ہے اور اس کے علاوہ وہ دیگر بیماریوں میں بھی مبتلا ہیں جس کے باعث وہ ایک وقت میں بیس کے قریب گولیاں استعمال کرتے ہیں۔انھوں نے بتایا کہ تفتیش کے دوران میں ملزم فیصل اصغر کی سابقہ بیوی سے بھی رابطہ کیا گیا۔

سہیل ظفر چٹھہ کے بقول ملزم کی سابقہ اہلیہ کا کہنا تھا کہ ’فیصل اصغر نے تو کبھی اونچی آواز میں بات نہیں کی اور جہاں پانچ سے زیادہ بندے جمع ہوتے تھے تو وہ خوف کے مارے وہاں سے چلے جاتے تھے۔‘

سی سی ڈی کے سربراہ کا کہنا تھا کہ اس حوالے سے مقتولہ حنا جاوید کی اپنی بہن سے واٹس ایپ کے ذریعے ہونے والی چیٹ کا بھی جائزہ لیا گیا جس میں مقتولہ نے اپنی بہن سے اپنے شوہر کی طرف سے کسی تشدد کا ذکر نہیں کیا۔ان کا کہنا تھا کہ حنا جاوید نے اپنی بہن سے صرف یہی بات کی تھی کہ ’ان کے شوہر حقوق زوجیت ادا نہیں کر رہے۔‘

انھوں نے کہا کہ تفتیشی ٹیم نے اپنی تفتیش مکمل کرکے اس کی رپورٹ وزیر اعلیٰ مریم نواز کو بھجوا دی ہے۔