شعورنیوز( انٹرنیشنل ڈیسک):ملائیشین حکام نے غیر مسلم قرار دیے گئے قادیانی گروہ کے خلاف ایک بڑا کریک ڈاؤن کرتے ہوئے ان کےمرکز پر چھاپہ مار کر درجنوں قادیانیوں کو گرفتار کر لیا ۔ یہ کارروائی مسلم اکثریتی ملک ملائیشیا میں مذہبی قوانین کی خلاف ورزی اور غیر قانونی سرگرمیوں کے الزامات کے تحت عمل میں لائی گئی ہے۔ قادیانیوں کی نمائندہ ویب سائٹ پر اس کارروئای کے خلاف انسانی حقوق کی آڑ میں رونا گانا جاری ہے ۔ملائشیا کا آئین مذہب کو "ریاستی معاملہ" (State Matter) قرار دیتا ہے۔

رپورٹس کے مطابق، یہ کارروائی ملائیشیا کی ریاستی پولیس اور اسلامی مذہبی امور کے محکمے کی جانب سے کی گئی۔ 16 اکتوبر 2026کے روز ہونے والی اس کارروائی میں درجنوں افراد کو حراست میں لیا گیا۔قادیانیوں کا دعوی ہے کہ یہ کارروائی امیگریشن کے حوالے سے تھی اور جن افراد کے کاغذات مکمل تھے انہیں رہا کردیا۔

امیگریشن حکام نے ریاست سیلانجور میں واقع قادیانیوں کے مرکزی ہیڈ کوارٹر ‘بیت السلام’ پر چھاپہ مارا تھا، جس کے دوران وہاں موجود متعدد غیر ملکی اور پناہ گزینوں کو سفری دستاویزات نہ ہونے پر حراست میں لیا گیا۔ حکام کا کہنا ہے کہ ملکی قوانین اور امن عامہ کو برقرار رکھنے کے لیے ایسی کارروائیاں ماضی کی طرح آئندہ بھی جاری رہیں گی۔

رواں برس کی یہ دوسری اہم کارروائی ہے۔ جون 2026 میں حکام نے ریاست صباح میں قادیانی گروہ کے سالانہ اجتماع (جلسہ سالانہ) کے دوران بھی ایک ہال پر چھاپہ مارا۔چھاپے کے دوران مجموعی طور پر 300 افراد کو حراست میں لیا گیا، جن میں گروہ کے 12 اہم ترین رہنما بھی شامل ہیں۔

ملائیشیا میں قادیانی گروہ کو سرکاری اور قانونی طور پر غیر مسلم قرار دیا جاتا ہے۔ ان کے مراکز کے باہر واجح بینر لگائے گئے ہیں کہ قادیانیوں کا اسلام سے تعلق نہیں ۔

ملائیشیا کی ریاستی فتاویٰ کونسل (Fatwa Council) کی جانب سے بہت پہلے یہ واضح اور قطعی فتویٰ جاری کیا جا چکا ہے کہ یہ گروہ دائرہ اسلام سے خارج ہے اور ان کے عقائد گمراہ کن ہیں۔اس قانون کے تحت اس گروہ کو ملائیشیا میں اپنے عقائد کی کھلم کھلا تبلیغ کرنے، اسلامی اصطلاحات استعمال کرنے یا مسلمانوں کو گمراہ کرنے کی سخت ممانعت ہے۔ حالیہ کارروائی بھی اسی سرکاری فتوے اور شرعی جرائم کے ایکٹ کے تحت کی گئی ہے کیونکہ یہ گروہ بغیر اجازت ایک بڑا اجتماع منعقد کر رہا تھا۔سلنگور میں بھی قادیانیوں (احمدیوں) کے مراکز پر جو چھاپے مارے جاتے ہیں وہ سلنگور کے اپنے شریعہ کریمنل انیکٹمنٹ (مثلاً Selangor Syariah Criminal Offences Enactment 1995) کی دفعات کے تحت ہوتی ہیں، جن میں گمراہ کن عقائد کی ترویج، سرکاری فتاویٰ کی خلاف ورزی اور متفقہ مذہبی ضابطوں سے انحراف کے قوانین شامل ہیں۔