شعور نیوز(انٹرنیشنل ڈیسک):فلپائن کے جنوبی صوبے ساؤتھ کوٹاباتو کے شہر بانگا میں ایک ہائی اسکول کے اندر 16 سالہ طالب علم کی فائرنگ سے دو طلبہ جاں بحق اور آٹھ زخمی ہوگئے، جبکہ حملہ آور نے بعد ازاں خود کو بھی گولی مار کر ہلاک کرلیا۔ جون سے ستمبر کے تین مہینوں90دنوں میں یہ تیسرا واقعہ بتا رہا ہے کہ ہر تیس دن میں ایک واقعہ سامنے آرہا ہے ۔

عالمی خبر رساں اداروں کے مطابق واقعہ جمعہ 18 ستمبر کو Banga National High School میں پیش آیا۔ میئر البرٹ پالینشیا کے مطابق حملہ آور نے دوپہر کے کھانے کے بعد ایک قریبی کلاس روم میں موجود طلبہ پر فائرنگ کی۔ حملہ آور نے مجموعی طور پر 10 طلبہ کو گولیاں ماریں، جن میں سے دو 14 سالہ طلبہ جان کی بازی ہار گئے۔

آٹھ زخمی طلبہ کو اسپتال منتقل کیا گیا، جن میں سے چار کی حالت تشویشناک بتائی گئی ہے۔ حملہ آور طالب علم نے بھی موقع پر خودکشی کرلی ۔ تمام متاثرہ طلبہ کی عمریں 14 سے 17 سال کے درمیان بتائی گئی ہیں۔تحقیقات کے مطابق نوجوان نے مبینہ طور پر حملے سے پہلے اپنے دوستوں کو بتایا تھا کہ وہ دوپہر کے کھانے کے بعد اپنا منصوبہ عملی شکل دے گا، تاہم دوستوں نے اسے اس لیے سنجیدہ نہیں لیا کیونکہ وہ اسے مذاق کرنے والا نوجوان سمجھتے تھے۔

حملے میں استعمال ہونے والی 9mm پستول مبینہ طور پر حملہ آور کے والد کی ملکیت تھی، جو محکمہ تعلیم کے ملازم ہیں۔ پولیس کے مطابق نوجوان نے گھر میں محفوظ رکھی گئی بندوق تک رسائی حاصل کی۔ حکام اب اس بات کی تحقیقات کر رہے ہیں کہ ایک کم عمر طالب علم کو آتشیں اسلحے تک رسائی کیسے حاصل ہوئی۔

تحقیق کا ایک اور اہم پہلو نوجوان کی آن لائن سرگرمیاں ہیں۔ حکام کے مطابق وہ ایک آن لائن "True Crime" کمیونٹی سے وابستہ تھا اور اس کے بعض آن لائن مواد میں اسکول شوٹرز کی ستائش کے شواہد ملے ہیں۔ پولیس اس پہلو کی بھی تحقیقات کر رہی ہے کہ آیا آن لائن پرتشدد مواد نے اس کے ذہن اور حملے کی منصوبہ بندی پر اثر ڈالا۔
23 جون 2026 میں فلپائن کے سینٹ جوز ہائی اسکول میں دو کم عمر طلبہ، جن کی عمریں 14 اور 15 سال تھیں، نے فائرنگ کی۔ 3 طلبہ جاں بحق اور 20 زخمی ہوئے۔ پولیس کے مطابق حملے کی منصوبہ بندی ایک ماہ سے زیادہ عرصے سے کی جا رہی تھی۔وہ بچہ بھی گھر سے پستول لایا تھا۔ پورا ملک اس واقعے سے ہل گیاتھا ۔

18 اگست کو زمبونگا اسکول میں نوین جماعت کے بچے نے لائیو اسٹریم کرتے ہوئے قتل عام کیا اور خود کشی کری۔وہ بھی اپنے والد کی بندوقیں گھرسے لایاتھا۔

18 ستمبر کو پھر ویسا ہی واقعہ دہرایا گیا۔
فلپائن کا حالیہ مسئلہ صرف "اسکول فائرنگ" کا مسئلہ نہیں رہا؛ یہ اسلحے تک کم عمر افراد کی رسائی، ڈیجیٹل تشدد، bullying، نوجوانوں کی سماجی تنہائی، خاندان میں اسلحے کی حفاظت اور اسکول سیفٹی کے پورے نظام کا امتحان بن گیا ہے۔ہمارے نزدیک یہ جدید نظام تعلیم اور جدید ٹیکنالوجی کے اثرات سے جڑی حقیقت ہے جسے فراموش کرنے سے لوگ اپنا ہی نقصان کریں گے۔