شعور نیوز( انٹرنیشنل ڈیسک):سفاک جرائم کے لیے جدید نظام کے پاس صرف ساڑھے دس سال قید ہے۔ سویڈن میں ایک 18 سالہ نوجوان، جو انٹرنیٹ پر "Chai" کے نام سے سرگرم تھا، کو ایسے سنگین جرائم میں 10 سال 6 ماہ قید کی سزا سنائی گئی ہے جو بڑی حد تک انٹرنیٹ کے ذریعے کروائے یا منظم کیے گئے۔ عدالت نے اسے قتل کی دو کوششوں، قتل کی کوشش میں معاونت، چھ ریپ، تین سنگین حملوں، جانوروں پر تشدد اور بچوں کے جنسی استحصال سے متعلق متعدد جرائم سمیت تقریباً 40 جرائم میں مجرم قرار دیا۔ یہ جرائم اس وقت کیے گئے جب وہ خود 15 سے 17 سال کی عمر کے درمیان تھا۔

عدالت کے مطابق "Chai" کا تعلق 764 سے منسلک ایک وسیع آن لائن ماحول سے تھا۔ یہ ایسے غیر مرکزی آن لائن نیٹ ورکس کا مجموعہ ہے جن میں نوجوان اور کمزور افراد کو پہلے دوستی، تعلق یا اعتماد کے ذریعے اپنے حلقے میں شامل کیا جاتا ہے، پھر ان سے جنسی مواد بنوانے، خود کو زخمی کرنے یا دوسروں پر تشدد کرنے جیسے کام کروانے کے لیے دھمکی، بلیک میلنگ اور ذلت کا استعمال کیا جاتا ہے۔

جب جرم صرف کیا نہ جائے بلکہ اسے دوسروں سے کروایا جائے، جب کسی انسان کی اذیت محض اذیت نہ رہے بلکہ اسے آن لائن شہرت، حیثیت اور طاقت حاصل کرنے کا ذریعہ بنا دیا جائے، تو ہمارے سامنے جرم کی ایک نئی شکل آتی ہے۔

یہ معاملہ اس لیے اہم نہیں کہ ایک نوجوان مجرم پکڑا گیا۔اصل سوال یہ ہے کہ ایک نوجوان خود مجرم بننے سے پہلے کس ڈیجیٹل ماحول سے گزرا؟

روایتی جرم میں مجرم اور متاثرہ شخص کے درمیان عموماً ایک جسمانی فاصلہ ہوتا تھا۔ مجرم کو شکار تک پہنچنا پڑتا تھا، اسے دھمکانا پڑتا تھا یا جسمانی طور پر قابو کرنا پڑتا تھا۔

ڈیجیٹل دور نے اس ترتیب کو تبدیل کردیا ہے۔اب ایک شخص ہزاروں کلومیٹر دور بیٹھ کر کسی کم عمر بچے کو تلاش کرسکتا ہے، اس سے تعلق بنا سکتا ہے، اس کا اعتماد حاصل کرسکتا ہے، اس کی نجی تصاویر حاصل کرسکتا ہے، پھر انہی تصاویر کو بلیک میلنگ کے لیے استعمال کرکے اسے مزید جنسی مواد بنانے، خود کو زخمی کرنے یا کسی دوسرے شخص پر حملہ کرنے پر مجبور کرسکتا ہے۔

جرم کا آلہ اب صرف بندوق یا چاقو نہیں؛ موبائل فون، چیٹ روم، گیم سرور اور سوشل میڈیا اکاؤنٹ بھی جرم کے infrastructure کا حصہ بن سکتے ہیں۔

یہاں خطرناک تبدیلی یہ ہے کہ:

پہلے انسان تشدد سے لطف اندوز ہوتا تھا؛ اب بعض ڈیجیٹل نیٹ ورکس میں تشدد ہی سماجی سرمایہ بن سکتا ہے۔جس قدر خوفناک مواد، جس قدر ذلت، جس قدر تکلیف اور جس قدر غیر معمولی حرکت—اتنی ہی زیادہ شہرت۔یہی وہ مقام ہے جہاں جرم اور entertainment کے درمیان لکیر دھندلی ہونا شروع ہوجاتی ہے۔

ماس کمیونیکیشن میں desensitization کا تصور اس بات کی طرف اشارہ کرتا ہے کہ تشدد کے بار بار مشاہدے سے بعض افراد میں اس کے خلاف جذباتی ردعمل کم ہوسکتا ہے۔

ایک بچہ پہلے تشدد کی ویڈیو دیکھتا ہے۔

پھر زیادہ شدید ویڈیو۔

پھر حقیقی موت۔

پھر کسی انسان کی اذیت۔

اور اگر پورا ماحول اسے معمول، تفریح یا challenge کے طور پر پیش کرے تو وہ چیز جو پہلے ناقابل تصور تھی، رفتہ رفتہ معمول محسوس ہوسکتی ہے۔

یہ کہنا درست نہیں کہ ہر شخص جو violent content دیکھتا ہے وہ مجرم بن جائے گا۔ ایسا سادہ causal relationship ثابت نہیں ہوتا۔

لیکن سوال یہ ضرور ہے کہ:

ڈیجیٹل ماحول کس طرح تشدد کی حدوں کو معمول بناتا ہے، اور کون سا institutional mechanism اس عمل کو روک رہا ہے؟

Networked deviance: مجرم اب اکیلا نہیں

روایتی criminology میں مجرم کو ایک فرد کے طور پر دیکھنا آسان تھا۔

ڈیجیٹل نیٹ ورک نے اس تصور کو بدل دیا ہے۔

764 جیسے نیٹ ورکس میں ایک شخص دوسرے شخص کو تلاش کرتا ہے، دوسرا اسے groom کرتا ہے، تیسرا مواد فراہم کرتا ہے، چوتھا اسے پھیلاتا ہے، اور کوئی دوسرا شخص شکار کو مزید تشدد پر مجبور کرتا ہے۔

اسے networked deviance کے زاویے سے سمجھا جاسکتا ہے:

جرم ایک فرد کا فعل رہنے کے بجائے نیٹ ورک کی سرگرمی بن جاتا ہے۔

یہی وجہ ہے کہ سویڈن، جرمنی، آسٹریلیا، امریکہ اور دوسرے ممالک میں سامنے آنے والے مقدمات ایک دوسرے سے الگ واقعات دکھائی دیتے ہوئے بھی ایک بڑے ڈیجیٹل ecosystem سے جڑے ہوسکتے ہیں۔

Hässelby کا واقعہ: remote crime کی نئی شکل

2024 کے Hässelby واقعے میں ایک 14 سالہ لڑکے کو دوسرے افراد کے ذریعے مبینہ طور پر manipulate اور coerce کیے جانے کا معاملہ بھی سامنے آیا۔

یہاں سب سے خوفناک پہلو یہ ہے کہ تشدد کرنے والا اور تشدد کا منصوبہ بنانے یا اس کے لیے اکسانے والا ایک ہی شخص ہونا ضروری نہیں۔

ایک شخص اسکرین کے پیچھے رہ کر دوسرے بچے کو میدان میں بھیج سکتا ہے۔

یعنی:

مجرم گھر میں بیٹھا ہے، جرم کسی دوسرے سے کروایا جارہا ہے، اور شکار شاید تیسرے ملک میں موجود ہے۔

اس صورتحال میں "جرم کا مقام" بھی ایک پیچیدہ تصور بن جاتا ہے۔

سویڈش عدالت کا اہم قانونی پہلو

جوہانسن کیس میں عدالت نے یہ بھی تسلیم کیا کہ انٹرنیٹ کے ذریعے دور بیٹھ کر کسی شخص کو خود کو نقصان پہنچانے پر مجبور کرنا قانونی طور پر سنگین جسمانی نقصان کے زمرے میں آسکتا ہے۔

یہ فیصلہ ڈیجیٹل جرائم کے قانون کے لیے اہم ہے، کیونکہ یہ پرانے تصور کو چیلنج کرتا ہے کہ:

"اگر مجرم نے خود ہاتھ نہیں لگایا تو جسمانی جرم کیسے ہوا؟"

ڈیجیٹل دور کا جواب یہ ہے کہ جسمانی فاصلے کے باوجود causal control موجود ہوسکتا ہے۔

ایک شخص جسم کو ہاتھ نہ لگاتے ہوئے بھی دوسرے انسان کے جسم کو نقصان پہنچانے کے لیے اسے مجبور کرسکتا ہے۔

اصل بحران: صرف بچے نہیں، پورا ڈیجیٹل نظام

یہاں صرف والدین کو موردِ الزام ٹھہرا دینا آسان جواب ہوگا۔

لیکن مسئلہ اس سے بڑا ہے۔

سوال سوشل میڈیا کمپنیوں سے بھی ہے:

کیا ان کے algorithms بچوں کو ایسے خطرناک حلقوں تک پہنچنے سے روکنے کے لیے کافی ہیں؟

سوال gaming platforms سے بھی ہے:

کیا ایک game-playing identity کے پیچھے چھپے شخص کو واقعی شناخت کیا جارہا ہے؟

سوال ریاست سے بھی ہے:

کیا روایتی cybercrime laws ان جرائم کی رفتار اور عالمی نوعیت کے مطابق ہیں؟

اور سوال معاشرے سے بھی ہے:

ہم نے نوجوانوں کو ایک ایسی ڈیجیٹل دنیا دے دی ہے جہاں ایک کلک سے پوری دنیا ان کے کمرے میں داخل ہوسکتی ہے، لیکن کیا ہم نے انہیں اس دنیا سے نمٹنے کی اخلاقی، سماجی اور ذہنی تربیت بھی دی ہے؟

سب سے خوفناک تبدیلی

764 جیسے نیٹ ورکس کا معاملہ ہمیں ایک انتہائی خطرناک تبدیلی دکھاتا ہے:

شکار اور مجرم کے درمیان لکیر ختم ہوسکتی ہے۔

آج ایک بچہ victim ہے۔

کل اسے دھمکی دے کر کسی دوسرے بچے کو نقصان پہنچانے پر مجبور کیا جاسکتا ہے۔

اور پرسوں وہ خود کسی نئے بچے کو اسی نیٹ ورک میں داخل کرنے والا بن سکتا ہے۔

اس طرح جرم ایک recruitment chain بن جاتا ہے۔

یہ محض cybercrime نہیں۔

یہ digital socialization into violence کی ایک شکل بن سکتا ہے۔

نظام سے بنیادی سوال

اگر ایک 15 یا 16 سالہ نوجوان عالمی سطح کے آن لائن نیٹ ورک میں داخل ہوکر قتل کی کوشش، جنسی تشدد، بلیک میلنگ اور خود اذیتی جیسے جرائم میں شریک ہوجاتا ہے تو صرف یہ کہنا کہ:

"وہ ایک برا بچہ تھا"

مسئلے کو سمجھنے سے انکار ہے۔

فرد اپنے اعمال کا ذمہ دار ہے، لیکن ایسے جرائم کے لیے وہ digital environment بھی زیرِبحث آنا چاہیے جس میں جرم سیکھا، شیئر، gamify اور socially rewarded کیا جاتا ہے۔

یہاں ریاست، ٹیکنالوجی کمپنیاں، تعلیمی ادارے، والدین اور معاشرہ سب کے لیے سوال موجود ہے۔

انٹرنیٹ نے دنیا کو جوڑ دیا، لیکن اسی رابطے نے جرم کو بھی عالمی بنا دیا۔

اب سویڈن کا ایک نوجوان آسٹریلیا کے کسی بچے کو نشانہ بنا سکتا ہے، جرمنی میں کسی نوجوان سے جرم کروا سکتا ہے اور امریکہ میں بیٹھا شخص اسی ecosystem کا حصہ ہوسکتا ہے۔

یہی ڈیجیٹل عہد کا نیا تضاد ہے: رابطے کی سب سے بڑی عالمی ٹیکنالوجی، اگر نگرانی، اخلاقی تربیت اور مؤثر تحفظ کے بغیر چلائی جائے، تو انسانوں کو علم اور خیر سے جوڑنے کے ساتھ ساتھ انہیں ایک دوسرے کے خلاف استعمال کرنے کا infrastructure بھی فراہم کرسکتی ہے۔