شعور نیوز( انٹرنیشنل ڈیسک):سابق امریکی صدر بارک اوباما کے 13 سالہ پالتو کتے Sunny کی موت کی خبر نے 16 ستمبر 2026ء کو عالمی میڈیا میں نمایاں جگہ حاصل کرلی۔ BBC، واشنگٹن پوسٹ، CBS News اور دیگر بڑے اداروں نے اسے خبر بنایا، جبکہ عالمی خبررساں ادارے AP نے بھی اس کی تفصیل شائع کی۔ Sunny 2013ء میں اوباما خاندان کے ساتھ وائٹ ہاؤس آیا تھا۔سابق امریکی صدر کے خاندان کے محبوب جانور کی موت کی خبر نے عالمی نشریاتی اداروں کا اظہار افسوس و ترجیحات کی پالیسی بھی ظاہر کردی۔

دنیا کے کروڑوں انسانوں کی موت، بھوک، جنگ، غربت اور بے گھری اسی دن معمول کی خبری گردش میں پیچھے رہ جاتی ہے۔ یہ Sunny نام سے محض ایک کتا نہیں تھا؛ وہ امریکی صدارتی خاندان کا کتا تھا۔

1965ء میں Johan Galtung نے اپنی معروف تحقیق ’The Structure of Foreign News‘میں یہ بتایا کہ دنیا میں رونما ہونے والے بے شمار واقعات میں سے کچھ واقعات ہی بڑے پیمانے پر خبر اہمیت، قربت، منفی پن، اشرافیائی/نمایاں افراد سے تعلق، تسلسل اور غیر معمولیت کی وجہ سے بنتی ہے ۔ خبر کی ویلیو کے نظریات کے لیے قارئین سمجھ سکتے ہیں کہ اگر یہ کتا کسی عام پاکستانی یا امریکی کا ہوتا تو کیا اس طرح خبر شائع ہوتی ؟

اس کے علاوہ ایجنڈ اسیٹنگ تھیوری اور گیٹ کیپنگ بھی اس معاملے میں اہم ہے جو یہ نہیں بتاتا کہ کیا سوچنا ہے لیکن کن موضوعات پر سوچنا ہے وہ ضرور بتاتے ہیں۔

دنیا میں لاکھوں واقعات رپورٹ ہوتے ہیں۔ نیوز روم ان سب کو نشر نہیں کرسکتا۔ ایڈیٹر، رپورٹر، نیوز ایجنسی، الگورتھم اور پلیٹ فارم مل کر طے کرتے ہیں کہ:کیا داخل ہوگا؟کیا باہر رہ جائے گا؟کیا headline بنے گا؟اور کس خبر کو صرف ایک مختصر پیراگراف ملے گا؟چنانچہ Sunny کی موت بذاتِ خود دنیا کا سب سے بڑا واقعہ نہیں؛ اسے بڑا بنانے والی چیز میڈیا کا انتخاب اور اس کی placement بھی ہے۔

یہ دراصل ایک کتے کی موت کی خبر نہیں؛ یہ اس سوال کی خبر ہے کہ عالمی میڈیا دنیا کو دیکھنے کے لیے کس "نیوز ویلیو" کا چشمہ استعمال کرتا ہے۔

’خبر کا درست ہونا اور خبر کا اہم ہونا دو الگ سوال ہیں؛ ماس میڈیا کا اصل نظاماتی سوال یہ ہے کہ دنیا کے کروڑوں واقعات میں سے اہمیت کا فیصلہ کون کرتا ہے؟