شعورنیوز(ویب ڈیسک):پشاورمیں لاشوں سے جنسی زیادتی کرنے والا زیرِ حراست ملزم بھی نامعلوم افراد کی فائرنگ سے ہلاک ہوگیا۔ پشاور کے علاقے بڈھ بیر میں قبروں سے لاشیں نکال کر ان کی بے حرمتی کرنے جیسے سنگین جرم میں زیرِ حراست صرف 19 سالہ ملزم پولیس ٹیم پر ہونے والے مسلح حملے کے دوران ہلاک ہو گیا ہے۔اس کوبھی تھانے سے پولیس بڈھ بیر میں جائے وقوع کی نشاندہی کے لیے لے کر نکلی تھی۔

پولیس حکام کے مطابق ملزم کو تفتیش کے سلسلے میں واقعاتی شواہد اکٹھے کرنے اور جائے وقوعہ کی نشاندہی کے لیے لے جایا جا رہا تھا کہ اس دوران تین موٹر سائیکلوں پر سوار چھ نامعلوم مسلح

افراد نے پولیس پارٹی پر اچانک فائرنگ کر دی۔اب یہ ایسا واقعہ پولیس نے ترتیب دینا شروع کیا ہے کہ کوئی ماورائے کورٹ ، کوئی تفتیش تحقیق یا کسی الزام کا چکر نہیں ہوگا ۔ مبصرین کا کہنا ہے کہ پولیس اچھی طرح جانتی ہے کہ کورٹ سے ایسے مجرموں کو سزا ممکن نہیں ہوسکتی یا جو سزا ہوگی وہ ناکافی ہوگی۔ اس پورے عمل سے پولیس کی واہ واہ اور تعریفیں بھی ہوتی ہیں جسے نامعلوم افراد انجام دیتے ہیں۔
پولیس افسران نے اس کی گرفتاری پر میڈیا کو بتایا تھا کہ انہیں شیخان قبرستان میں قبر کھود کر پیش آنے والے افسوس ناک واقعے کی اطلاع ملی جس پر بڈھ بیر پولیس نے اس واقعہ میں ملوث درندہ صفت ملزم کو گرفتار کرلیا۔قبرکی کھدائی اور بچی کی لاش نکالنے کے دوران وہاں موجود چوکیدار نے اسے دھر لیا تھا، مزید لوگ بھی جمع ہوگئے تھے ۔پولیس نے ملزم کو تحویل میں لے کر تھانے منتقل کردیا ، چائلڈ پروٹیکشن ایکٹ سمیت دیگردفعات کے تحت مقدمہ درج کرلیا گیا۔

پولیس نے بتایا کہ تفتیش کے دوران 19سالہ ملزم نے بتایا کہ ان کا گھر قبرستان کے قریب ہے اور اپنی جنسی خواہشات پوری کرنے کے لیے وہ اس قسم کی گھناؤنی حرکتیں کررہا تھا۔

ملزم تعلیم یافتہ انٹر میڈیٹ پاس ہےجو کہ دس قبروں کی مبینہ بے حرمتی اور چار مردہ بچیوں کے ساتھ زیادتی کرنے کا اعتراف کر چکا تھا۔پولیس نے بتایا کہ ملزم کی ذہنی حالت درست ہے اور وہ کوئی نشہ بھی نہیں کرتا البتہ بری صحبت کی وجہ سے وہ اس قسم کی گھناؤنی حرکتوں میں پچھلے 3یا 4ماہ سے ملوث رہا ہے۔

ملزم نے پولیس کو مزید بتایا کہ وہ اس سے قبل بھی چار مرتبہ قبریں کھود چکا ہے، بچوں کی لاشیں وہیں چھوڑ دیتا تھا جبکہ بچی کی لاش لے کر وہ جنگل نما مقام پر لے جاتا اور اس کی بے حرمتی کرتا تھا۔

پولیس کے مطابق، جائے وقوع پر غیر متوقع فائرنگ کے نتیجے میں ملزم سلمان موقع پر ہی ہلاک ہو گیا جبکہ پولیس اہلکار معجزانہ طور پر محفوظ رہے۔

واقعے کے فوراً بعد حملہ آور فائرنگ کرتے ہوئے موقع سے فرار ہو گئے جن کی گرفتاری کے لیے پولیس نے علاقے میں بڑا سرچ آپریشن شروع کر دیا ہے۔

مغرب سے درآمد شدہ یہ عمل نیکروفیلیا (لاشوں سے جنسی لطف لینا) کی اصطلاح میں چھپا ہو اہے ۔یہ ایک کامل شیطانی عمل ہے جس کے پیچھے مستقل فحش مواد اور نفس کو شیطان کے حوالے کردینے کا صریح عمل شامل ہے۔

پشاور میں پولیس کے ہاتھوں جائے وقوع پر لے جا کرملزمان کی نامعلوم اموات کا سلسلے میں ایک یکسانیت ہے کہ وہ سب اچانک نا معلوم افراد کے ہاتھوں فائرنگ سے نشانہ بن کر زخمی بھی نہیں ہوتے سیدھا مر جاتے ہیں۔ دوسری اہم بات یہ کہ حالیہ دو کیسز میں ملزمان سنگین جنسی جرائم (زنا) کے مرتکب تھے ۔ ایسا ہی سرجانی قتل کیس کے ملزم کے ساتھ حالیہ دنوں کراچی میں بھی وقوع پذیر ہوا ہے ۔