شعور نیوز( انٹرنیشنل ڈیسک):مراکش کے شاہ محمد ششم نے فاطمہ زہرا المنصوری کو ملک کی پہلی خاتون وزیر اعظم مقرر کرتے ہوئے نئی حکومت تشکیل دینے کی ذمہ داری سونپ دی ہے۔ ان کی لبرل جماعت نے حالیہ پارلیمانی انتخابات میں سب سے زیادہ نشستیں حاصل کیں، جس کے بعد انہیں حکومت سازی کا موقع دیا گیا۔

غیر ملکی میڈیا رپورٹس کے مطابق، فاطمہ زہرا المنصوری کی جماعت اصلیت اور جدیدیت پارٹی PAMنے 395 رکنی پارلیمنٹ میں 97 نشستیں حاصل کیں۔ دوسرے نمبر پر آنے والی جماعت RNI نے 66 نشستیں جیتنے میں کامیاب رہی۔استقلال پارٹی نے 65 اور نام نہاس اسلامی جماعت PJDنے 54 نشستیں حاصل کیں۔

پارلیمنٹ میں کسی ایک جماعت کو واضح اکثریت حاصل نہیں ہوئی، اس لیے نئی حکومت بنانے کے لیے فاطمہ زہرا المنصوری کی جماعت کو دیگر سیاسی جماعتوں کے ساتھ اتحاد کرنا ہوگا۔

50 سالہ فاطمہ زہرا المنصوری اس سے قبل مراکش کی وزیر ہاؤسنگ کے طور پر خدمات انجام دے چکی ہیں۔ وہ مراکش شہر کی میئر بھی ہیں اور 2009 میں پہلی مرتبہ اس عہدے پر منتخب ہوئی تھیں۔ اس طرح وہ مراکش شہر کی پہلی خاتون میئر بھی بنی تھیں۔

سیاست میں طویل تجربہ رکھنے والی فاطمہ زہرا المنصوری کی بطور وزیر اعظم تقرری کو ملک کی سیاسی تاریخ میں ایک اہم پیش رفت قرار دیا جا رہا ہے۔ وہ مراکش کی پہلی خاتون وزیر اعظم ہیں، جبکہ عرب دنیا میں اس منصب پر فائز ہونے والی دوسری خاتون بن گئی ہیں۔

مراکش میں آئینی بادشاہت کا نظام قائم ہے، جہاں شاہ محمد ششم کو اہم سیاسی اور حکومتی معاملات میں وسیع اختیارات حاصل ہیں۔ ملک کی پارلیمنٹ قانون سازی کرتی ہے، تاہم اقتدار اور اہم پالیسی فیصلوں میں بادشاہ کا کردار نمایاں ہے۔

2011 میں آئینی اصلاحات کے ذریعے پارلیمنٹ اور حکومت کے اختیارات میں اضافہ کیا گیا تھا، لیکن اہم معاملات میں بادشاہ کے اختیارات برقرار ہیں۔ ایسے سیاسی نظام میں نئی حکومت کی تشکیل اور مختلف جماعتوں کے درمیان اتحاد حکومت کے مستقبل کے لیے اہم ہوگا۔مراکش میں اسلامی جماعت جو جسٹس اینڈ ڈویلپمنٹ کے نام سے کام کرتی ہے ، 2011 کے بعد

بڑی سیاسی قوت بن گئی تھی اور اس کے رہنما عبداللہ بنکیران وزیرِ اعظم بھی رہے۔2020 میں وزیر اعظم نے بادشاہ کے حکم پر ٹرمپ کے ابراہیم اکارڈ میں شمولیت کی اور قابض اسرائیل سے تعلقات بنائے ۔اس کے اگلے انتخابات 2021 میں پارٹی کو شدید انتخابی شکست ہوئی اور صرف 13 نشستیں ملیں۔اس لیے کہ حکومت اسرائیل کے ساتھ تعلقات برقرار رکھتی ہے، لیکن مراکش کی عوام میں فلسطین کے لیے بہت مضبوط ہمدردی موجود ہے۔

مراکش کی سب سے بڑی مشکلات میں سے ایک نوجوانوں کے لیے روزگار ہے۔ حالیہ رپورٹس میں نوجوانوں کی بے روزگاری تقریباً 37 فیصد بتائی گئی ہے۔مراکش ایک اہم water-stress کا شکار ملک ہے۔ مسلسل خشک سالی کا زراعت اور دیہی معیشت پر اثر پڑتا ہے۔ ورلڈ بینک کے مطابق مستقبل کی معاشی ترقی کے لیے بار بار آنے والی خشک سالی اور پانی پر انحصار اہم خطرات ہیں۔قابض اسرائیل سے تعلق بنانے کے بدلے امریکہ نے 2020 میں مراکش کی Western Sahara پر sovereignty کو تسلیم کیا، جبکہ اسرائیل نے بھی بعد میں مراکش کے مؤقف کی حمایت کی۔ یہ مراکش کے لیے بہت اہم سفارتی کامیابی سمجھی گئی۔اسرائیل سے تعلقات کے ذریعے مراکش کوکئی سرمایہ کاری کے منصوبے بھی ملے ہیں ۔