شعور نیوز( انٹرنیشنل ڈیسک):ملائیشیا کے ایک اسکول میں 16 سالہ طالب علم مبینہ طور پر تیز دھار ہتھیار لے کر پہنچا اور کلاس روم میں استانی پر حملہ کر دیا۔ طلبہ بھاگ نکلے، مگر ایک طالب علم رک گیا، استانی کی مدد کی اور حملہ آور کو قابو کرنے میں کامیاب رہا۔ کلاس روم کے سی سی ٹی وی کیمرے کے ذریعے ریکارڈ کی گئی ایک ویڈیومیں پورا واقعہ سوشل میڈیا پرجاری ہو چکاہے۔

بعد ازاں معلوم یہ بھی معلوم ہوا کہ طالب علم نے اپنے جسم سے سیل فون منسلک کیا ہوا تھا اور اس پورے حملے کو لائیو سٹریم بھی کر رہا تھا۔ ملائیشین کمیونیکیشن اینڈ ملٹی میڈیا کمیشن نے بعد میں ویڈیو کو ہٹا دیا۔طالب علم کو باہر دالان میں جانے سے پہلے بیت الخلا میں تیاری کرتے ہوئے دکھایا گیا ہے۔

وڈیو لائیو نشر کرنے کے پیچھے ڈارک ویب اور اس کے دیئے جانے والے ٹاسک کا امکان نظر انداز نہیں کیا جا سکتا ۔ یہ نیٹ ورکنگ چیٹ رومز والے وڈیو گیمز اب معمول بن چکے ہیں ۔ ان کے ذریعہ ایسے ہی مختلف ٹاسک دیئے جاتے ہیں ۔ ملیشین پولیس کی طرف سے ابھی تک اس جانب تفتیش کا کوئی پہلو سامنے نہیں آیا لیکن لائیو اسٹریم اور بچے کے آن لائن ریکارڈز سے یہ بات آسانی سے معلوم کی جا سکتی ہے۔

پولیس کو صبح 8 بجے ہنگامی کال میں واقعے کی اطلاع ملی تو وہ فوراً وقوعہ پر پہنچ گئی ۔متاثرہ کلاس روم میں موجود طلباء کو علاقے سے نکال لیا گیا اور کوئی اور زخمی نہیں ہوا۔خاتون ٹیچر کے ہاتھ زخمی ہوئے ۔ پولیس اس واقعے کی تحقیقات اور مزید قوانین سخت کررہی ہے مگر یہ واقعات کم ہونے کے بجائے مسلسل بڑھتے جا رہے ہیں۔
یہ جدید معاشرے میں بچوں کی ذہنی تربیت، خاندانی تعلقات، ڈیجیٹل میڈیا، تجارتی مفادات اور تعلیمی نظام کے باہمی تعلق پر سنجیدہ سوال اٹھاتا ہے۔ملیشیا کے جدید ترقی یافتہ ماڈل میں وہی مسائل کا ہونا لازمی ہے جو اس ماڈل کو اپنانے سے پیدا ہوتے ہیں۔خاندان اور سماجی تعلقات۔حواس خمسہ پر اثر انداز ہونے والے واقعات اور مواد سے پیدا شدہ ذہنی اور جذباتی کیفیت۔ڈیجیٹل پرتشدد مواد، حملوں کی ویڈیوز، آن لائن اشتعال انگیزی، توجہ اور شہرت حاصل کرنے کی خواہش۔طلبہ کے رویوں میں غیر معمولی تبدیلیوں کو نظر انداز کرنا، شکایات کا مؤثر ازالہ نہ ہونا اور کمزور حفاظتی نظام۔معاشرتی و معاشی دباؤ۔جدید لبرل معاشرتی فکر میں فرد کی آزادی، ذاتی انتخاب اور انفرادی حقوق کو بنیادی اہمیت حاصل ہے۔ سوال یہ ہے کہ جب آزادی کے ساتھ ذمہ داری، اخلاقی تربیت، خاندان اور معاشرتی فرائض کمزور پڑ جائیں تو اس کا نتیجہ کیا نکل سکتا ہے؟اگر بچے کو یہ سکھایا جائے کہ اپنی خواہشات پوری کرنا ہی کامیابی ہے، مگر غصے پر قابو، دوسروں کے حقوق، بڑوں کا احترام، جواب دہی اور ضبطِ نفس کی تربیت نہ دی جائے، تو اس کی شخصیت میں عدم توازن پیدا ہو سکتا ہے۔

بچہ صرف اسکول میں تعلیم حاصل نہیں کرتا؛ وہ گھر کے ماحول، والدین کے رویوں، دوستوں، سماجی تعلقات اور معاشرتی اقدار سے بھی سیکھتا ہے۔

اگر والدین مصروفیت یا دیگر دباؤ کے باعث بچوں کی جذباتی زندگی سے دور ہو جائیں، استاد کا احترام کم ہو، خاندانی تنازعات بڑھیں اور بچے کی تنہائی کو محض ذاتی مسئلہ سمجھا جائے تو اس کی مشکلات بروقت سامنے نہ آ سکیں گی۔