شعور نیوز( ویب ڈیسک):سیدہ فاطمہ رضی اللہ عنہا کے یوم ولادت کے عظیم دن عالم اسلام کے سب سے بڑے شہر کراچی میں حکومت پاکستان وزارت میری ٹائم کے ماتحت کے پی ٹی کے ادارے پورٹ گرینڈ میں شیطانی محفل طے کر لی گئی ۔ نوجوانوں کو عیسائی بدعت پر مبنی شیطانی رقص و سرود میں شرکت کے لیے بھاری ٹکٹ کی قیمتیں بتا دی گئیں۔ اکیلے لڑکے کے لیے 2000 روپے ، اکیلی لڑکی کے لیے 1500 روپے جبکہ کوئی نا محرم جوڑے کی صورت جانا چاہے تو 3000 کا ٹکٹ بیچا جا رہاہے۔ اشتہار میں واضح کیاگیا ہے کہ وہاں الکوہل (شراب) و دیگر نشے کی اشیأ لانے کی اجازت نہیں ہوگی۔یہ بھی اشتہار میں واضح کیا گیا ہے کہ اس میں آنے والوں کو منفرد تجربہ ہوگا۔اس ایونٹ میں موسیقی، ڈانس اور مزید گناہوں کی جانب دعوت عام دی گئی ہے۔

اسلامی تاریخ میں سیدہ کائنات اُم ابیہا سیدہ فاطمۃ الزہرأ رضی اللہ عنہا کا متفقہ یوم ولادت 20جمادی الاول کو ہی عالم اسلام میں جانا ہے۔ایسے میں مسلم نوجوانوں کو عیسائی بدعات کی دعوت دے کر اُن کو جمع کرنے کا عمل سرکاری سرپرستی میں جاری ہے۔ تفریح کے لبرل تصور ات کو لیکر مسلم معاشرت اور مسلمانوں کے لیے تقدیس سے جڑے ایام کو خراب کیا جا رہا ہے۔