شعورنیوز( ویب ڈیسک):پاکستان کے صوبہ خیبر پختونخوا میں 11 اکتوبر 2026 کو آئین کے آرٹیکل 232 اور 234 کے تحت ایمرجنسی نافذ کرکے گورنر راج نافذ کردیا گیا۔ صوبے میں حساس صورتحال پر انٹرنیٹ سمیت دیگر ذرائع ابلاغ پر کنٹرول کرلیاگیا ہے ۔ وفاقی حکومت نے سیکورٹی اور پرتشدد واقعات میں اضافے کو وجہ بنایا ہے۔گورنر راج کے بعد امن و امان کی صورتحال کچھ ہی د ن صورتحال واضح کردے گی۔

صدر پاکستان آصف علی زرداری سے اس عمل کی منظوری کے دستخط کرنے کی وڈیو بھی سوشل میڈیا پر ڈال کر تسلی کرائی گئی ، صوبہ میں پاکستان پیپلز پارٹی کے نامزد گورنر فیصل کریم تعینات ہیں۔عوام کے ووٹوں سے تحریک انصاف کے وزیراعلیٰ اور صوبائی حکومت کے اختیارات ختم/غیر فعال کرکے گورنر کو منتقل کیے گئےہیں۔ عوامی بے چینی و رد عمل کو کنٹرول کا بھی پورا انتظام کرلیا گیا ہے۔

وزیر اعلیٰ سہیل آفریدی سمیت کئی اہم افراد خاص قسم کی تحویل میں لے لیے گئے ہیں۔ آرٹیکل 245 کے تحت فوج کو بھی سول انتظامیہ کی معاونت کے لیے تعینات کیا گیا ہے،حفاظتی اقدام کے تحت صوبے کے تمام اسکولوں کو بھی بند کردیاگیا ہے۔اس ایمرجنسی کے خلاف تحریک انصاف نے ہائی کورٹ سے بھی رجوع کرلیاہے ۔

صرف جمعیت علمائے اسلام ، بی این پی، پشتونخوا ملی عوام پارٹی اور جماعت اسلامی کی جانب سے گورنر راج لگانے کی مذمت ہوئی ہے کیونکہ باقی پارٹیاں تو حکومت میں ہی شامل ہیں۔

تحریک انصاف نے 2024 میں خیبر پختونخوا کی 115 صوبائی نشستوں میں سے 91 نشستیں عوامی ووٹوں سے جیت کر یہ حکومت حاصل کی تھی ۔ ڈیموکریسی کی بنیاد عوامی خواہشات ومرضی پر کھڑی ہیں لیکن چونکہ یہ انسانوں کا بنایا ایک باطل تصور انتظام ہے اس لیے تضادات کی بھرمار ہے۔ عوامی خواہشات کو سب سے بلند قرار دے کر سیکیورٹی کے نام پر سب کچھ تلپٹ کردیا جاتا ہے جو کہ مکمل تضاد پر کھڑا عمل ہے ۔پاکستان کو مستقل عالمی سرمایہ دارانہ نظام میں ڈھالنے کے لیے ڈیموکریسی ٹھونسی جا رہی ہے لیکن جو چیز اندر سے ہی خراب ہو وہ وقت گزرنے کے ساتھ اپنے مفاسد ظاہر کرتی جاتی ہے اور اس کے چلانے والے خود اس کے کپڑے اتارتے رہتے ہیں۔