شعور نیوز(انٹرنیشنل ڈیسک):18 اکتوبر 2026کے روز غزہ کی پٹی پر ایسے 75 فلسطینی شہدأ کی اجتماعی نماز جنازہ ادا کی گئی ہے جن کی باقیات اسرائیلی بمباری سے ملبے کے ڈھیر بننے والے گھروں کے نیچے دب گئی تھیں۔غزہ میں فلسطینیوں کی سستی موت کا سلسلہ جاری ہے اور فلسطینی آئے روز اپنے پیاروں کی لاشیں اٹھا رہے ہیں۔

اتوار کو سینکڑوں فلسطینیوں نے۷۵؍ افراد کے جنازے میں بڑی تعداد میں خواتین اور بچے شامل تھے۔یہ اُن عمارتوں میں سے ایک تھی جو غزہ میں اسرائیل کی نسل کش جنگ کے ابتدائی مہینوں کے دوران اسرائیلی افواج کے ذریعے تباہ کیے گئے گھروں کے ملبے سے برآمد ہوئی تھیں۔فلسطینی پرچموں میں لپٹے جنازوں کو نماز کے بعد شہدأ کی باقیات کو غزہ کے شیخ رضوان قبرستان میں دفن کیا گیا۔

یاد رہے غزہ کی پٹی پر اب تک دس ہزار کے لگ بھگ افراد کی لاشیں نہیں ملی ہیں ، ان کے افراد خانہ انہیں لاپتہ قرار دیتے ہیں۔ جنگ کے بظاہر رک جانے کے باوجود ان لاپتہ ہوجانے والے افراد یا ان کی لاشوں کو ملبے کے ڈھیروں سے نکالنا ابھی باقی ہے۔تاہم یہ لاشیں نکالنے کا سلسلہ ابھی جاری ہے۔

دس اکتوبر 2025 کو ہونے والے والی جنگ بندی کے بعد سے اب تک دوہزار لاشیں نکالی جا چکی ہیں ،اب بھی 8000 لاشیں یا فلسطینی لاپتہ ہیں۔

لاشوں کے نکالنے میں تاخیر کی وجہ لوگوں کے پاس ملبہ اٹھانے کے لیے ضروری مشینری کا نہ ہونا ہے۔

غزہ کی جنگ میں ان لاپتہ افراد کے علاوہ اب تک تقریبا 75 ہزار فلسطینیوں کو اسرائیلی فوج شہید کر چکی ہے۔ جبکہ مجموعی طور پر زخمیوں کی تعداد لگ بھگ پونے دو لاکھ ہے۔ یہ الگ بات ہے کہ جنگ بندی کے دوران بھی اسرائیلی فوج نے ڈیڑھ سے دو ہزار فلسطنیوں کو بھی شہید کیا ہے ۔