شعور نیوز( انٹرنیشنل ڈیسک):فرانس میں حکومتی تعلیمی پالیسیوں کے خلاف پرتشدد احتجاج کا دائرہ کئی شہروں تک پھیل گیا۔ پیرس میں پولیس اور مشتعل مظاہرین کے درمیان شدید جھڑپیں شروع ہو چکی ہیں۔فرانس کے شہر لیموژ میں 143 سال پرانے سٹی ہال میں آگ لگنے سے تاریخی عمارت کو شدید نقصان پہنچنے کی اطلاعات ہیں۔ عالمی میڈیا پر جاری تفصیلات کے مطابق 17 اکتوبر 2026 کو پیش آنے والے واقعے کی ویڈیو میں اس عمارت کو شعلوں کی لپیٹ میں اور اس کی چھت کے حصے کو گرتے ہوئے دکھایا گیا ہے۔

معلومات کے مطابق یہ واقعہ فرانس میں مہنگائی اور اخراجاتِ زندگی کے خلاف جاری مظاہروں کے دوران پیش آیا، جہاں بعض مقامات پر احتجاج پُرتشدد صورت اختیار کرگیا۔ جس نقاب پوش افراد کی جانب سے پولیس کی گاڑی جلانے، کھڑکیوں کے شیشے توڑنے اور عمارت کے اندر آگ لگانے کے واقعات رونما ہو رہے ہیں۔

مقامی حکام کے مطابق آگ کے باعث سٹی ہال کی چھت منہدم ہوکر نچلی منزلوں پر جاگری، جبکہ عمارت کے مغربی حصے کے علاوہ باقی حصوں کو بھی بڑے پیمانے پر نقصان پہنچا۔ مقامی لوگوں کے مطابق تاریخی عمارت کا بیشتر حصہ تباہ ہوچکا ہے اور نقصان کا مکمل جائزہ لیا جا رہا ہے۔

ہفتے کے روز فرانس بھر میں تقریباً ساڑھے پانچ لاکھ افراد نے احتجاج کیا، جن میں ایک لاکھ 10 ہزار افراد دارالحکومت پیرس کی سڑکوں پر نکلے۔ تاہم مظاہروں کے منتظمین نے دعویٰ کیا کہ احتجاج میں شریک افراد کی تعداد سرکاری اعدادوشمار سے بھی زیادہ تھی۔

یہ احتجاج ابتدا میں بڑی حد تک پُرامن تھا، تاہم بعد میں بعض مقامات پر حالات خراب ہوگئے۔ مظاہروں کا سلسلہ گزشتہ ماہ طلبہ کی جانب سے شروع ہونے والے احتجاج سے جڑا ہے، جو اب حکومت کی پالیسیوں، تعلیمی اداروں کی خراب صورت حال، بڑھتی ہوئی مہنگائی اور عوامی مسائل حل نہ ہونے کے خلاف ایک وسیع تحریک کی شکل اختیار کرچکا ہے۔فرانسیسی صدر ایمانوئل میکرون نے پُرامن احتجاج میں خلل ڈالنے والے افراد کو انتشار پھیلانے والے عناصر قرار دیتے ہوئے ان پر تنقید کی۔

ہفتے کی رات سوشل میڈیا پلیٹ فارم ایکس پر اپنے بیان میں انہوں نے خبردار کیا کہ جن لوگوں نے سرکاری انتظامی دفاتر، کاروباری مراکز اور سٹی ہالز پر حملے کیے یا وہاں لوٹ مار کی، انہیں قانون کے مطابق مقدمات اور سزا کا سامنا کرنا پڑے گا۔ اطلاعات کے مطابق رواں ہفتے کے آغاز میں پولیس کارروائی کے دوران ایک 14 سالہ لڑکے کا جبڑا ٹوٹ گیا تھا۔ اس کے علاوہ شمال مغربی علاقے النکوں میں ایک پولیس اہلکار کو کیمرے میں ایک لڑکی کی گردن اپنے بازو میں جکڑتے ہوئے دیکھا گیا۔ یہ طریقہ قانون کے تحت ممنوع قرار دیا جاچکا ہے۔

ہفتے کے روز لیون سے تقریباً 40 میل جنوب مغرب میں واقع شہر سینٹ ایٹین میں ایک مظاہرین کا ہاتھ بھی ضائع ہوگیا۔ سی این این کے ایک ذیلی ادارے بی ایف ایم ٹی وی نے پولیس ذرائع کے حوالے سے یہ اطلاع دی۔ موجودہ طلبہ احتجاج کے دوران کسی مظاہرین کا ہاتھ ضائع ہونے کا یہ دوسرا رپورٹ ہونے والا واقعہ ہے۔فرانس میں ہونے والے مظاہروں کے ساتھ اظہارِ یکجہتی کے لیے بیلجیئم، البانیہ اور اٹلی میں بھی نوجوانوں نے احتجاجی سرگرمیاں کیں۔