شعو رنیوز(انٹرنیشنل ڈیسک)مقبوضہ کشمیر کہ اسلامک یونیورسٹی آف سائنس اینڈ ٹیکنالوجی اونتی پورہ میں بھارتی فلموں اور ان کے ایجنڈے کو بڑھانے کے لیے فلم فیسٹیول کا انعقاد ہوگیا۔ باوجود اسکے کہ بھارت مقبوضہ کشمیر کے حساس موضوع پر کئی پروپیگنڈ فلمیں بنا چکا ہے ، وہاں مسلمانوں کی ذہن ساز کا سلسلہ تعلیم کے ذریعہ جاری ہے۔ یونیورسٹی کے شعبۂ صحافت کی جانب سے قومی سطح کے فلم فیسٹیول 2026 کا انعقاد کیا گیا، جس میں بھارتی فلم سازوں، طلبہ، ماہرینِ تعلیم اور میڈیا سے وابستہ افراد نے شرکت کی۔ اس فیسٹیول کا مقصد فلم سازی کے فن کو فروغ دینے کے رجحان کی حوصلہ افزائی کرنا تھا۔

اسلامی یونیورسٹی کا لیبل لگا کر تعلیم کے ذریعہ وہی کام انجام دیا جا رہا ہے جس کے نتیجے میں لبرل تصورات کو پھلنے پھولنے کا موقع دیا جا سکے ۔ اسلامی یونیورسٹی کے باوجود اسلام کے سارے عقائد او ر احکامات کو لبرل تصورات میں ڈھال کر ہر قسم کی مزاحمت، الہیات کو مقامی مسلمانوں کی زندگیوں سے نکالنا مقصود ہے۔ جب تمام انسان صرف ترقی کے رستے پر چلیں گے تو کسی خدا، کسی قرآن کی ضرورت ہی نہیں رہے گی۔

فیسٹیول میں ملک بھر کے مختلف تعلیمی اداروں، کالجوں اور اسکولوں سے تعلق رکھنے والے طلبہ اور فلم سازوں نے شرکت کی۔ اس موقع پر مختلف موضوعات پر مبنی 26 فلموں کی نمائش کی گئی، جس کے ذریعے شرکاء کو سنیما کے مختلف زاویوں، کہانی بیان کرنے کی تکنیکوں اور فلم سازی کے تخلیقی طریقوں سے روشناس ہونے کا موقع ملا۔

اس موقع پر بالی وڈ اداکار میر سرور، معروف فلمساز دانش رینزو کے علاوه یونیورسٹی کے وائس چانسلر پروفیسر شکیل احمد رومشو، فیکلٹی ممبران اور طلباء کی ایک بڑی تعداد نے شرکت کی۔

ماہرین نے بتایاکہ، فلم سازی تخلیقی صلاحیتوں، ٹیکنالوجی، تحقیق اور کہانی نویسی کا امتزاج ہے، جس کے ذریعے پیچیدہ مسائل کو دلچسپ اور آسان انداز میں پیش کیا جا سکتا ہے۔

ماہرین نے طلبہ پر زور دیا کہ وہ منفرد کہانیاں تخلیق کریں، اپنی تکنیکی مہارتوں کو بہتر بنائیں اور ایسے موضوعات کا انتخاب کریں جو موجودہ سماجی حقائق، ثقافتی تنوع اور انسانی تجربات کی عکاسی کرتے ہوں۔ انہوں نے اس بات پر بھی زور دیا کہ اس طرح کے اقدامات تعلیمی سیکھنے اور عملی تجربے کے درمیان فاصلے کو کم کرنے میں مدد دیتے ہیں، کیونکہ ان کے ذریعے طلبہ کو تجربہ کار پیشہ ور افراد کے ساتھ تبادلۂ خیال کرنے اور فلمی صنعت میں رونما ہونے والی تبدیلیوں کو سمجھنے کا موقع ملتا ہے۔