شعورنیوز(انٹرنیشنل ڈیسک):امریکا میں ایک اور سینیٹر سوزین کولنز کے گرد کرپشن کا ایک سنگین سیاسی و مالیاتی تنازع عالمی میڈیا پر سامنے آگیا ہے۔ امریکی سینیٹر کے سیاسی نیٹ ورک کو بھاری رقم کے بدلے وفاقی حکومت سے کمپنی کے لیے کروڑوں ڈالر کے معاہدے حاصل کرنے کی کوشش کی۔2019 میں کولنز کے ایک اعلیٰ سیاسی فنڈ ریزر نے نیوا ٹیک کمپنی کے عہدیداروں سے ملاقات کی اور مبینہ طور پر انتخابی مہم کے لیے بڑی رقم طلب کی۔ کمپنی کے سربراہ نے بعدازاں ایک شیل کمپنی کے ذریعے ڈیڑھ لاکھ ڈالر Collins کو بھجوائے۔ رپورٹ کے مطابق کمپنی کے اندرونی ای میل میں دعویٰ کیا گیا کہ اس سینیٹر کی حمایت سے 3 کروڑ ڈالر کے بحری معاہدے ملنے والے ہیں۔
اس سے قبل ایک اور امریکی سینیٹرباب مینینڈیز پر کاروباری شخصیات اور غیر ملکی حکومتوں (جیسے مصر اور قطر) کو فائدہ پہنچانے کے بدلے رشوت لینے کے سنگین الزامات تھے۔ان کے گھر پر چھاپے کے دوران لاکھوں ڈالر کی نقدی، سونے کی اینٹیں اور لگژری کار برآمد ہوئی تھی جو انہوں نے مبینہ طور پر رشوت میں حاصل کی تھیں۔اس مقدمے کے نتیجے میں جولائی 2024ء میں وہ مجرم قرار پائے، جس کے بعد انہوں نے سینیٹ سے استعفیٰ دے دیا اور جنوری 2025ء میں انہیں 11 سال قید کی سزا سنائی گئی۔

امریکی وفاقی قانون کے تحت سیاسی عطیات پر پابندیاں موجود ہیں، جبکہ کسی سرکاری اقدام کے بدلے سیاسی رقم کا لین دین رشوت کے زمرے میں آسکتا ہے۔ تحقیقاتی ادارے نے FBI کے حاصل کردہ ریکارڈز، ای میلز اور متعدد افراد کے انٹرویوز کی بنیاد پر اپنی تحقیق پیش کی ہے۔سینیٹر کولنز کا کہنا ہے: ’’یہ سیاسی کردارکشی ہے‘‘

رپورٹ کے مطابق FBI نے کمپنی Navatek کے سربراہ کی گرفتاری اور غیر قانونی رقم ادائیگی کے معاملے کے بعد اس کے بیانات کی بنیاد پر Collins اور دیگر سیاسی شخصیات کے روابط کی مزید تحقیقات شروع کیں۔Kao اور اس کے ساتھیوں پر غیر قانونی سیاسی عطیات سے متعلق مقدمہ بھی قائم ہوا۔ Kao نے بعد میں جرم قبول کیا اور اسے اضافی 33 ماہ قید کی سزا سنائی گئی۔

یہ واقعہ امریکی سرمایہ دارانہ جمہوریت کے بنیادی تضاد پر ایک بڑا سوال اٹھاتا ہے:

اگر سیاسی اقتدار عوام کے ووٹ سے آتا ہے، لیکن سیاسی طاقت استعمال کرنے کے لیے اربوں ڈالر کی campaign financing، lobbying اور corporate donations درکار ہوں، تو عملی طاقت کس کے ہاتھ میں رہتی ہے—عام ووٹر کے یا سرمایہ رکھنے والے کے؟Navatek کا مبینہ معاملہ اسی سوال کی ایک انتہائی نمایاں مثال کے طور پر سامنے آتا ہے۔

سرمایہ داری میں مارکیٹ بنیادی طور پر جو اصول قائم کرتی ہے اسکےمطابق دولت صرف دولت نہیں رہتی؛ وہ سیاسی طاقت کے حصول میں تبدیل ہوجاتی ہے۔

امریکی سیاست میں lobbying، campaign finance، PACs اور Super PACs ہمیشہ سے بحث کا موضوع رہتے ہیں۔

جب سرمایہ اور سیاسی اقتدار ایک دوسرے کے اتنے قریب آجائیں کہ سرکاری ٹھیکہ، انتخابی عطیہ اور سیاسی رسائی ایک ہی زنجیر کے مختلف حلقے دکھائی دینے لگیں، تو سوال صرف ’’کون کرپٹ ہے؟‘‘ کا نہیں رہتا—یہ حقیقت بن جاتی ہے کہ پورا نظام سرمایہ اور اقتدار کے تعلق کو کتنا مضبوطی سےجوڑے رکھتا ہے۔