شعور نیوز( ویب ڈیسک):پنجاب اسمبلی کی قائمہ کمیٹی نے عیسائی برادری میں شادیوں کے ترمیم شدہ بل کی منظوری دی ہے۔عالمی لبرل ایجنڈے کے مطابق پہلے شادی کی عمر 16 سے 18 کی گئی پھر مسیحی مرد اور عورت اس وقت میاں بیوی بن سکیں گے جب یہ یقینی ہو کہ وہ مسیحی ہیں، یہی نہیں بلکہ انکا ازدواجی تعلق صرف متعین کردہ اہلیت کے حامل پادری ہی کرا سکیں گے۔

اس بل کو قانون بنانے کیلئے اسمبلی کے اگلے اجلاس میں پیش کیا جائے گا، امکان یہی ہے کہ آسانی سے پاس ہو جائیگا ۔

مجوزہ قانون کے تحت صرف مسیحی عورت اور مرد کی شادی ہی ممکن ہوسکے گی اور اس کی نادرا میں رجسٹریشن لازم ہوگی ۔اب مسیحی عورت اور مرد کا دوسرے مذاہب میں نکاح ممکن نہیں ہوسکے گا اور انہیں دوسرے مذہب میں شادی سے پہلے اپنا مذہب تبدیل کرنا ہوگا۔امکان یہی ہے کہ اب دیگر صوبوں میں اس پر کام شروع ہوگا۔

لبرل ازم کا یہ تضاد بہت آسانی سے سمجھا جا سکتا ہے ، ایک طرف اہل کتاب کے نام پر بین المذاہب ہم آہنگی کا خطرناک منجن این جی اوز کے ذریعہ بیچاجاتا ہے۔دوسری جانب عیسائیوں پر یہ والی شرائط لگا دی جاتی ہیں ، تاہم اس مرتبہ قانون میں یہ شرط ضرور رکھی گئی ہے کہ شادی سے قبل مذہب تبدیل کرلیا جائے ، یہ شرط لبرل تصور مذہبی آزادی سے مطابقت نہیں رکھتی ۔

ماڈرن اسٹیٹ قانون سازی کے سہارے لبرل ازم کو ٹھونسنے میں لگی ہوئی ہے ۔ 200 سالہ تاریخ بتارہی ہے کہ مغرب کی تقلید کی یہ وہ آگ ہے جس کے شر سے حکمران بھی نہیں بچ سکیں گے۔