شعور نیوز( ویب ڈیسک):پنجاب کے ضلع شیخوپورہ کی تحصیل نارنگ منڈی کے گاؤں گھڑیال کلاں میں گستاخی مذہب کے الزام میں گرفتار عیسائی کے گھر اور فارمیسی کو مشتعل ہجوم نے 9 اکتوبر کے روز جلا دیا۔ واقعے کی تفصیلات 10 اکتوبر کو سوشل میڈیا پر وائرل ہوگئیں۔سب سے اہم بات یہ ہے کہ اس پورےعمل میں مقامی گاؤں کے لوگ ہی شامل رہے جو وہاں کے قدیم رہائشی ہیں۔ اس پورے عمل میں کوئی مذہبی ، کوئی سیاسی ، کوئی مسلکی تنظیم یا گروہ کا عمل دخل نہیں پایا گیا۔ یہ لبرل زبان میں خالص مقامی عوام کی اجتماعی مرضی کا ڈیموکریٹک عمل تھا ۔غیرتمند افراد کے نزدیک اس عمل کے اندر حب رسول ﷺ اور ناموس رسالت و مقدسات کا عنصر غالب تھا۔ کسی آبادی کے لوگ اگر اپنے نبی پاک ﷺ اور دینی مقدسات سے اجتماعی محبت کرتے ہوں تو یہ عمل مسلمانوں کو سمجھائی گئی ڈیموکریسی اور ملکی آئین کے خلاف کیوں ہوگا؟

ایک سال سے ایک مسجد اور مزار بند ہے، سال بھر سے ایک مذہبی جماعت کو طاقت سے کچل دیا گیا ،پنجاب بھر میں سرکاری مفتیان لگا دینے کے بعد ایسے واقعات کا ہونا یہ کیوں نہیں بتا رہا ہے کہ مقدسات سے محبت ایک فطری عمل ہے۔

اطلاعات کے مطابق گھڑیال کلاں کے کامران مسیح کو 8 اکتوبر کو پولیس نے گرفتار کیا تھا۔ اس پر الزام تھا کہ اس نے ایک (بھارتی) ہندو شخص کی جانب سے شائع کی گئی گستاخانہ پوسٹ کو شیئر کیا تھا۔ مسیحی برادری کے ذرائع کا دعویٰ ہے کہ کامران مسیح نے فورا ہی پوسٹ ڈیلیٹ کردی تھی تاہم مذکورہ واقعے کے کچھ دن بعد 8 اکتوبر کو پولیس نے ایف آئی آر درج کرکے اسے گرفتار کرلیا۔اگلے روز جمعہ کو نماز جمعہ کے بعد مشتعل ہجوم نے کامران مسیح کے گھر اور اسکے ساتھ متصل انگریزی دواؤں کی دکان کو آگ لگادی۔
پولیس نے ملزم کے گھر کو نذر آتش کرنے، خوف و دہشت پھیلانے اور جلاؤ گھیراؤ پر بھی ایف آئی آر درج کر لی ہے جس میں انسداد دہشت گردی کی دفعات شامل ہیں۔ اس ایف آئی آر پر 5 ملزمان کو گرفتار بھی کرلیا گیا جب کہ دیگر ملزمان کی گرفتاری کیلئے چھاپے مارے جا رہے ہیں۔

مسلم لیگ ن کے رکن پنجاب اسمبلی عمانوئیل اطہر کا کہنا ہے کہ پولیس نے گستاخی کے ملزم کو نامعلوم مقام پر منتقل کر دیا، جبکہ ملزم کے اہلخانہ بھی پولیس کی حفاظتی تحویل میں ہیں۔

پنجاب کے وزیر برائے اقلیتی امور سردار رمیش سنگھ اڑوڑہ نے بی بی سی اردو کو بتایا کہ گھڑیال کلاں کے رہائشی مسیحی شخص پر توہین کا الزام عائد ہوا جس کی ایف آئی آر تعزیرات پاکستان کی دفعات 295 ، 298، 298 اے، 504 اے کے تحت درج کی گئی ہے جبکہ اس ایف آئی آر میں 29 ٹیلیگراف ایکٹ اور 16 ایم پی او کی دفعات بھی شامل کی گئی ہیں۔