شعور نیوز( انٹرنیشنل ڈیسک):الجزائر نے طویل عرصے سے جاری متحدہ امارات کے ساتھ سرد جنگ سفارتی تعلقات کے خاتمے کے اعلان پر ظاہر کردی۔متحدہ عرب امارات کی مراکش اور اسرائیل نواز استعماری پالیسیوں کی وجہ سے مستقل سرد جنگ جاری تھی۔ یہ فیصلہ کئی سالوں کے بڑھتے ہوئے تناؤ کے بعد ہوا۔ الجزائر کی وزارت خارجہ نے کہا ہے کہ امارات کی ’اشتعال انگیز یا دشمنانہ‘ کارروائیاں حد سے تجاوز کر گئیں اور تعلقات برقرار رکھنے کے تمام ذرائع ختم ہو چکے ہیں۔ اماراتی سفیر کو 48 گھنٹے میں ملک چھوڑنے کا حکم دیا گیا، اور الجزائر نے اماراتی رجسٹرڈ طیاروں کے لیے اپنا فضائی حدود بند کر دیا۔ امارات نے اس فیصلے پر کہا ہے کہ امید ہے یہ فیصلہ عارضی ہوگا۔
مراکش اور امارات نے قابض اسرائیل سے تعلقات قائم کرکے الجزائر کے خلاف استعماری محاذ گرم کیا ہوا تھا۔مختلف میڈیا رپورٹس کے مطابق پورے عرب ہی نہیں افریقی خطے میں امارات نے لیبیا، سوڈان، مالی، نائجر اور مغربی صحارا تنازعہ میں استعماری مداخلت، فوجی/مالی اثر و رسوخ بڑھانے کا سلسلہ رکھا ہوا ہے۔الجزائر اسے اپنی سرحدوں اور علاقائی استحکام کے لیے خطرہ سمجھتا ہے۔ صدر تبون نے کہا تھا: ’جہاں وہ قدم رکھتے ہیں، وہاں خون بہتا ہے۔‘مراکش اور الجزائر کے درمیان مغربی صحارا تنازع افریقہ کے سب سے طویل جاری تنازعات میں سے ایک ہے۔ یہ تقریباً 50 سال سے چل رہا ہے اور الجزائر-امارات تعلقات کے تناؤ کی اہم وجوہات میں شامل ہے۔الجزائر امارات پر الزام لگاتا ہے کہ وہ کابلیا (Kabylia) کی عسکری علیحدگی پسند تحریک کی معاونت کرتی ہے، جبکہ الجزائر اُسے دہشت گرد قرار دیتا ہے۔
2020 میں مراکش کی نام نہاد اسلام پسندوں کی حکومت نے اپنے بادشاہ اور صدر ٹرمپ کے حکم پر ’ابراہم اکارڈ ‘پر دستخط کرکے تجارتی و مادی مفادات کی خاطر قابض ناپاک اسرائیل سے تعلقات بنائے تھے۔مسلم ممالک کا نیشن اسٹیٹ میں ڈھلنے کے بعد مستقل تصور امت کو پیچھے دھکیلنا پستی و ذلت کی وجوہات کو بڑھا رہا ہے۔سیاسی عمل میں جا کر اپنے اقتدار کی خاطر قابض اسرائیل تک سے تعلقات بنانے کا کمپرومائز ڈعمل رسوا کن ثابت ہوگا۔