غزہ میں 725 واں خونی دن، غزہ سٹی پر شدید اسرائیلی حملوں کا سلسلہ

شعور نیوز( غزہ ڈیسک):غزہ میں 725 ویں خونی دن اسرائیلی حملوں میں 53 فلسطینی شہید ہوچکے ۔جمعرات کو شہید ہونے والے فلسطینیوں میں جنوبی غزہ کی پٹی میں امداد کے متلاشی 13 مسلمان بھی شامل ہیں۔غزہ شہر پر مسلسل بمباری نے علاقے کے سب سے بڑے شہری مرکز کو مسمار کر دیا ہے، جہاں روزانہ درجنوں مسلمان شہید ہو رہے ہیں ۔رہائشی عمارتیں اسکول سب تباہ ہو رہے ہیں، اور دسیوں ہزار فلسطینیوں کو جنوب کی طرف نامعلوم سمت کی طرف بھاگنے پر مجبور کیا جا رہا ہے۔اسرائیل نے غزہ شہر کے عوام کو نکل جانے کی دھمکی دیتے ہوئے کہا تھا کہ یہ "آخری موقع" ہے کہ وہ بھاگ جائیں یا اسرائیل کے حملے کی "مکمل طاقت" کا سامنا کریں۔

ناپاک اسرائیل کی طرف سے پیدا ہونے والے قحط کے دوران شدت سے خوراک کی تلاش کے دوران حملہ کرنے والے متاثرین کی کل تعداد اب تقریباً 2,600 شہید اور 19,000 کے قریب زخمی ہو چکی ہے۔7 اکتوبر 2023 سے اب تک اسرائیل کی نسل کشی کی جنگ میں مجموعی طور پر 66,225 افراد شہید اور 168,938 زخمی ہو چکے ہیں۔

اس ساری صورتحال میں اسلامی ممالک ہوں یا دیگر ہیومینٹی کے دعویدار ممالک وہ صرف نام نہاد مذمتیں اور عوام کو ٹوکن احتجاج کی اجازت دے کر کام چلاتے رہے ہیں۔