غزہ میں امداد لے جانے والا تیسرا سمندری قافلہ بھی اسرائیل نے روک دیا

شعور نیوز( غزہ ڈیسک) : ناپاک اسرائیل نے غزہ میں امدادی سامان لے جانے والے عالمی صمود فلوٹیلا کے قافلے کو سمندر میں روک کر گرفتار کر لیا ۔یہ قافلہ 31 اگست 2025 سے اسپین کی بندرگاہ سے امدادی سامان لیکر غزہ کے لیے روانہ ہوا۔ رستے میں اس قافلے میں 50 سے زائد امدادی کشتیاں شامل ہوئیں ۔ اس قافلے میں پاکستان سمیت کوئی 44 ممالک سے لوگ شامل تھے۔ پاکستان سے مولانا مظہر سعید شاہ (وزیر اطلاعات آزاد کشمیر)، ڈاکٹر محمد اسامہ ریاض، سابق سینیٹر مشتاق احمد خان، محمد اسماعیل خان، عزیز نظامی اور ابو سعید کو اس قافلے میں شرکت کی سعادت ملی ۔EditEdit Pakistan Condemns Israel's Attack on Gaza Flotilla; Global Outrage Over Interception of Humanitarian Aid

یہ سب لوگ اس مقصد اور عزم کے ساتھ نکلے تھے کہ وہ غزہ میں اسرائیل کا قائم کردہ محاصرہ توڑ کر غذائی امداد پہنچانے کا رستہ نکال سکیں۔ 8-9 ستمبر کو اسرائیل کی طرف سے پہلا ڈرون حملہ ہوا۔ اس کے بعد 23 ستمبر کو دوسری بار حملہ ہوا۔ ان حملوں میں کوئی جانی نقصان نہیں ہوا۔ اٹلی و اسپین نے اعلان کیا کہ وہ قافلے کی حفاظت کے لیے اپنا جنگی جہازبھیجے گا مگر اٹلی کا ہی جہاز ہمیں نظر آیا جو کچھ دیر ساتھ چل کر واپس چلا گیا۔

2 اکتوبر کی اطلاعات تک ناپاک اسرائیل نے کوئی 39کشتیوں کو اپنے قبضے میں لے کر امدادی کارکنوں کو گرفتار کر لیا ہے۔ اس قافلے میں پاکستان کے 2 شہری جن میں ایک سابق سینیٹر مشتاق احمد اور دوسرے ڈاکٹر اسامہ ریاض بھی آخری اطلاعات تک ناپاک اسرائیلی فوج کی قید میں ہیں۔یہ پہلی بار نہیں ہوا۔ اس سے قبل جولائی ،اگست میں بھی ایک ایک کشتی گئی تھی ، ان کے ساتھ بھی ایسا ہی ہوا۔ گرفتار کرکے اسرائیل نے مختلف پابندیاں لگا کر لوگوں کو واپس بھیج دیا ۔

اس بار یہ قافلہ غیر معمولی طور پر50 سے زائد کشتیوں اور کوئی 450 افراد پر پھیل گیاتھا۔عالمی سطح پر اس قافلے کا بہت شور تھا ۔ اس دوران ٹرمپ کی طرف سے 20 نکات بھی آگئے تھے ، لوگ خیال کر رہے تھے کہ اسرائیل شاید اب اتنے بڑے قافلے کو نہیں روکے گا۔ مگر جب اٹلی کے جہاز نے پیٹھ موڑی تو سب کو اشارے مل گئے ۔ اب سارے ممالک ڈٹ کر مذمتیں کر رہے ہیں، جیسے وہ 2 سال سے غزہ کے لیے کر ر ہے تھے۔کراچی ، لاہور، اسلام آباد ، اٹلی، فرانس ودیگر ممالک میں احتجاجی مظاہرے ہو رہے ہیں ، جیسے 2 سال سے ہو رہے تھے۔

جن مغربی اصولوں کو اپنا کر آپ کوئی مقدمہ لڑ تے ہیں اُس میں فیصلہ مغرب ہی کے حق میں آتا ہے۔ اُس نے ساری دُنیا کے سامنے Humanity کو قدر بنا کر پیش کیا ، سارے قوانین ، ادارے بنائے اور دیکھ لیں اصل میں صیہونیت بطور مذہبی عقیدہ ہی غالب ہے۔ یہ صیہونیت کتنی پر تشدد ہے یہ آپ 2 سال سے غزہ میں دیکھ ہی رہے ہیں۔ یہ صیہونی نظریہ کتنا سفاک ہے ، اس کے سامنے کوئی humanity کی اوقات نہیں۔

اس لیے کہ یہ سب کھلونے اُس نے بنائے ہی اپنے آپ کو چھپانے کے لیے تھے ۔ یہ تو بھلا ہو 7 اکتوبر طوفان الاقصیٰ کا کہ آج یہ سب برہنہ ہوچکے ہیں۔ اس لیے خوب جان لیں کہ ایک طرف ’طوفان الاقصیٰ ‘ کا رستہ ہے تو دوسری طرف ’صیہونیت ‘ ۔بیچ میں اب کوئی نہیں۔