امریکہ نے غزہ قتل عام کے لیے 24 ماہ میں 21 ارب ڈالر اسرائیل کو دیئے، رپورٹ جاری ہوگئی

شعور نیوز( انٹرنیشنل ڈیسک): امریکی خزانے سے بائیڈن اور ٹرمپ انتظامیہ نے 21 ارب ڈالر فوجی امداد کے نام پر غزہ میں مسلمانوں کے قتل عام پر خرچ کردیئے۔رپورٹ کے مطابق جنگ کے پہلے 15 مہینے میں ڈیموکریٹک صدر جو بائیڈن کے دور میں اسرائیل کو 17.9 بلین ڈالر فراہم کیے گئے ۔باقی ٹرمپ کے 9 مہینوں 3.8 بلین ڈالراسرائیل کو دیئے گئے ۔ 7 اکتوبر 2023 کے طوفان کے بعد غزہ پر اسرائیلی جنگی جارحیت میں امریکی حکومتوں کی مکمل معاونت پہلے دن سے شامل رہی ہے۔

7اکتوبر 2025 کوطوفان کے دو شمسی سال مکمل ہونے پر شائع ہونے والے ایک نئے تعلیمی مطالعے میں یہ اعداد و شمار جاری ہوئے ہیں۔ایک اور تحقیق، جسے براؤن یونیورسٹی کے واٹسن سکول آف انٹرنیشنل اینڈ پبلک افیئرز میں جنگ کے اخراجات کے منصوبے کے ذریعے شائع کیا گیا ہے، اُس میں کہا گیا ہے کہ امریکہ نے پچھلے دو سالوں میں وسیع تر مشرق وسطیٰ میں سیکورٹی امداد اور آپریشنز پر تقریباً 10 بلین ڈالر مزید خرچ کیے ہیں۔یہ تحقیقی رپورٹیں اپنے زیادہ تر نتائج کے لیے اوپن سورس مواد پر انحصار کرتی ہیں اور زیادہ جامع حسابات پیش کرتی ہیں۔یہ رپورٹس، کانگریس کو عوامی طور پر دستیاب اطلاعات پر مبنی ہیں۔

ان رپورٹوں سے یہ بات واضح ہے کہ امریکی مدد کے بغیر اسرائیل غزہ میں جنگی درندگی نہیں کر سکتا تھا۔رپورٹ بتاتی ہے کہ مختلف دوطرفہ معاہدوں کے تحت اسرائیل کے لیے امریکہ مستقبل میں بھی کئی ارب ڈالر کی فنڈنگ کرے گا۔اس میں کہا گیا کہ کچھ فوجی امداد پہلے ہی پہنچائی جا چکی ہے جبکہ باقی آنے والے سالوں میں فراہم کی جائے گی۔

یہ رپورٹ واشنگٹن میں قائم کوئنسی انسٹی ٹیوٹ برائے ذمہ دار اسٹیٹ کرافٹ کے ساتھ مل کر تیار کی گئی تھی۔ انسٹی ٹیوٹ پر کچھ اسرائیل نواز گروپوں کی جانب سے تنہائی پسند اور اسرائیل مخالف ہونے کا الزام لگایا گیا ہے، ان الزامات کی تنظیم انکار کرتی ہے۔

یہ سارا وہ پیسہ ہے جو امریکہ میں رہنے والے تمام عوام اپنی کمائی میں سے ٹیکسوں کے نام پر امریکی خزانے میں جمع کراتے ہیں اور وہ پیسہ یہاں بھی استعمال ہوتا ہے۔