شعور نیوز( انٹرنیشنل ڈیسک):امریکہ کے وسط مدتی انتخابات عالمی سیاست پر کیا اثرات ڈالیں گے اس کوسمجھنے کےلیے الیکشن کا پس منظر سمجھنا بھی ضروری ہے۔

یہ الیکشن امریکہ کے ایوانِ نمائندگان کی تمام 435 نشستوں اور سینیٹ کی 35 نشستوں پر ہوئے۔سینیٹ کی 35 میں سے 20کے قریب نشستیں ڈیموکریٹس نے جیت لی ہیں۔ کانگریس کی 435 میں سے ڈیموکریٹس 231 نشستیں جیت چکی ہے۔

یوں امریکا کے وسط مدتی انتخابات کے نتائج میں ووٹرز نے صدر ٹرمپ کی پالیسیوں کو رد کرتے ہوئے سینیٹ کا کنٹرول ڈیموکریٹک پارٹی کے حوالے کر دیا ہے۔امریکی صدر ڈونلڈ ٹرمپ نے اپنے بیانات میں تسلیم کیا ہے کہ ایران جنگ کے اثرات نے ری پبلیکنز کو نقصان پہنچایا ، تاہم اپنے جنگی فیصلے کا دفاع کرتے ہوئے آئندہ بھی جارحیت کے عزم ظاہر کیا ہے۔

تجزیہ کاروں کے مطابق ایران کے خلاف جاری جنگ کے باعث بڑھتے ہوئے اخراجات، مہنگائی اور سخت ٹریف پالیسیوں کے خلاف عوامی تشویش اس انتخابی الٹ پھیر کی بنیادی وجہ بنی ہے۔

اس الیکشن میں پہلی بار ایک مسلمانوں کے نام والا ڈاکٹر محمد عبد السید بھی سینیٹر کے طور پر کامیاب ہوا ہے، جبکہ 7 دیگر ارکان کانگریس میں کامیاب ہوئے ہیں۔ یہ سب کے سب ڈیموکریٹس پارٹی کے نامزد ارکان ہیں۔ یہ چاہے جو بھی نام رکھیں یا کوئی بھی لباس پہن لیں ، یہ کبھی بھی ڈیموکریٹس تو دور کی بات ، کسی لبرل قدر کے خلاف یا امریکی آئین کے باہر بھی کسی چیز کی جانب نہیں جا سکتے۔

سینیٹ میں ڈیموکریٹس کا کنٹرول قائم ہونے کے بعد اب اپوزیشن کو انتظامیہ کے خلاف تحقیقات شروع کرنے، کابینہ کی نامزدگیوں کو بلاک کرنے اور وفاقی ججوں کی تعیناتی کو روکنے کا قانونی اختیار حاصل ہو جائے گا۔

ڈیموکریٹس کی خارجہ پالیسی سرمایہ کے فروغ اور مارکیٹ کے اندھے راج پر کھڑی ہے ۔ یہی نہیں بلکہ ڈیمو کریٹس بھی مکمل اسرائیل نواز سفاک لبرل پارٹی ہے ۔ یہ سب آزادی کو خدا مانتے ہیں ، ایل جی بی ٹی کیو کے مکمل حامی ، اسقاط حمل کے حامی اور ٹرمپ کی عیسائی روایت سے جڑی مذہبی پالیسیوں کے سخت خلاف ہیں۔ ڈیموکریٹس پوری دنیا کو لبرل ازم کی اقدار اپنانے کی طرف مجبور کرتی ہے اس لیے وہ جنگوں کے بجائے لبرل صارفیت کو پالیسی میں رکھتے ہیں ۔ ڈیموکریٹس کسی قسم کی کوئی مذہبی تعبیر کو اپنے اندرداخل نہیں ہونے دیتے جو اُن کے تصور ترقی، ہیومن رائٹس ، مساوات ، آزادی سے ٹکرائے ۔ ٹرمپ سے انکا صرف یہ بنیادی اختلاف تھا کہ ٹرمپ کے نزدیک ترقی صرف امریکی حق تھا ۔ وہ دنیا میں صرف امریکی قوم کا ہی عروج چاہتاتھا اور عیسائی مذہبی تعلیمات کو بھی ریاستی پالیسی کا حصہ بناتا تھا ( تعین جنس، اسقاط حمل کے خلاف اقدامات)۔

اب اگر ٹرمپ نے جنگ ختم کردی اور تمام رستے کھل گئے تو امکان ہے کہ مہنگائی کچھ کم ہو جائے ، مگر ظاہر ہے کہ ٹرمپ نے یہ جنگ اسرائیل کے تحفظ میں چھیڑی ہے اور قابض اسرائیل تو ڈیموکریٹس کا بھی ویساہی یار ہے ۔اس لیے اس الیکشن کے بعد بھی امریکہ میں لبرل سرمایہ دارانہ نظام کا ہی راج ہوگا اور وہ اپنی طاغوتی پوزیشن پر اسی طرح براجمان رہے گا۔

امریکہ میں ووٹر رجسٹریشن فارمز پر مذہب پوچھنے پر قانونی پابندی ہے۔اس لیے امریکہ میں مسلمانوں کی کل آبادی کا تخمینہ ان کے ناموں کو دیکھ کرلگایا جاتا ہے تقریباً 55 سے 80 لاکھ کے درمیان بتائی جاتی ہے۔سائنسی تخمینے کے مطابق امریکہ میں کل مسلم ووٹرز کی تعداد 30 لاکھ سے زائد بنتی ہے۔ اس میں وہ افریقی-امریکی، سفید فام اور لاطینی مسلمان بھی شامل ہو جاتے ہیں جن کے نام روایتی اسلامی نہیں مگر غیر مقامی و دیگر سائنٹفک اسباب کی وجہ سے اُن کو بھی گن لیا جاتا ہے۔

یہ سب کے سب امریکہ کے آئین پر حلف یافتہ ہوتے ہیں اور اُنہوں نے لکھ کر دیا ہوتا ہے کہ وہ امریکہ کے سوا کسی اور کو خدا ئی درجہ پر نہیں مانتے تو اُن کا وجود صرف امریکی عقائد کے فروغ اور اُس سے وفاداری پر ہی کھڑا ہوتا ہے ۔

شاعر مشرق علامہ محمد اقبال ؒ نے مغلوبیت یا کفر کے غلبہ کے تناظر میں ایک اہم بات اپنے شعر میں سمجھائی تھی ، اُس وقت بھی ہند پر مسلمان اقلیت پر انگریز حکمران تھا۔

مُلّا کو جو ہے ہِند میں سجدے کی اجازت
ناداں یہ سمجھتا ہے کہ اسلام ہے آزاد!