شعور نیوز( انٹرنیشنل ڈیسک):برطانوی شاہی خاندان کے شہزادے ہیری کے سسر اور سابق امریکی اداکارہ میگھن مارکل کے والد، تھامس مارکل کو بچوں کے جنسی استحصال سے متعلق گھناؤنے مواد رکھنے اور فاحش تصاویر محفوظ کرنے کے جرم میں گرفتار کر لیا گیا ہے۔ امریکی محکمہ انصاف کے مطابق، 82 سالہ تھامس مارکل کو ریاست فلوریڈا کے شہر لیک لینڈ سے حراست میں لیا گیا ہے۔

تھامس مارکل نے لاس اینجلس کے علاقے میں کرائے پر لیے گئے ایک اسٹوریج یونٹ میں بچوں کے استحصال کا ایسا مواد محفوظ کر رکھا تھا جس میں نابالغ لڑکیوں کی انتہائی فحش اور قابلِ اعتراض تصاویر اور سلائیڈز شامل تھیں۔ ایف بی آئی کی کارروائی کے دوران وہاں سے 78 سے زائد ایسی اشیاء، سلائیڈز، فلمیں اور نیگیٹیوز برآمد ہوئے ہیں جو اخلاقی زوال کی بدترین عکاسی کرتے ہیں۔

جو لوگ اندھی تقلید میں مغرب کے نام نہاد ’اعلیٰ اخلاق‘، انسانی حقوق اور لبرل اقدار کی بڑی تعریفیں کرتے نہیں تھکتے، یہ واقعہ ان کے منہ پر ایک زور دار طمانچہ ہے۔ اس لبرل اور سرمایہ دارانہ نظام کی اصل حقیقت اب دنیا کے سامنے عیاں ہو چکی ہے۔مغربی سرمایہ دارانہ لبرل ازم نے انسان کو مادہ پرستی اور نفس پرستی کے سوا کچھ نہیں دیا۔ جہاں آزادیِ اظہار اور انفرادی آزادی کے نام پر ہر اخلاقی حد کو توڑ دیا گیا ہو، وہاں خاندانی تقدس اور بچوں کے تحفظ جیسی بنیادی انسانی اقدار بھی اس درندانہ آزادی کی بھینٹ چڑھ جاتی ہیں۔

جس مغربی معاشرے میں اعلیٰ ایوانوں، شاہی خاندانوں اور ہالی ووڈ/میڈیا کی نام نہاد "اشرافیہ" کو اخلاقیات کا سرٹیفکیٹ سمجھا جاتا ہے، ان کے اندرونی خانوادوں اور قریبی رشتوں میں اس نوعیت کے گھناؤنے جرائم کا پنپنا یہ ثابت کرتا ہے کہ ان کا سارا اخلاقی ڈھانچہ محض ایک منافقانہ نقاب ہے۔

فیمینزم، مادی دوڑ اور مادر پدر آزاد لبرلزم نے خاندانی نظام کو اس طرح پارہ پارہ کیا ہے کہ انسان تنہائی، بے راہ روی اور جنسی پرستی کی تاریکیوں میں ڈوبتا چلا گیا ہے۔ جہاں مربیانہ اقدار اور خدائی احکامات کا خوف ختم ہو جائے، وہاں عمر کے آخری حصے میں بھی اس طرح کی شیطانی درندگی معاشرے کا معمول بن جاتی ہے۔

تھامس مارکل کی یہ گرفتاری ان تمام لوگوں کے لیے ایک چشم کشا ثبوت ہے جو مغرب کے اخلاقی نظام کو دنیا کے لیے نمونہ سمجھتے ہیں۔ حقیقت یہ ہے کہ لبرلزم کی کوکھ سے جنم لینے والا یہ معاشرہ اخلاقی دیوالیہ پن اور اندرونی گھن کا شکار ہو چکا ہے، جہاں انسان اپنی فطرت سے گر کر حیوانوں سے بھی بدتر درجے پر پہنچ جاتا ہے۔