سیکولر پنجاب پولیس نے مسلمانوں کا قتل عام کرنے کے لیے من پسند تشریح شروع کردی

شعور نیوز( ویب ڈیسک):پنجاب پولیس کے آفیشل ٹوئٹر اکاؤنٹ پر ڈالی گئی ٹوئیٹ نے پورے عالم اسلام کو ہلا دیا ہے۔سیکولر پنجاب پولیس نے لاہور، مریدکے میں درود و سلام پڑھتے کلمہ گو مسلمانوں کے ماورائے عدالت قتل عام کے لیے قرآن مجید سے حکم پیدا کرلیے ۔پنجاب پولیس نے پوری دنیا میں اہل سنت کی سب سے بڑی نمائندہ سیاسی جماعت کو مسلح جتھے اور گروہ کے طور پر پیش کرکے جو قرآنی تشریح کا وزن اپنے کندھوں پر ڈالا ہے وہ ضرور تاریخ میں رقم ہوگا ۔ پاکستان میں دستیاب آئین، قانون، کورٹ سب کو پنجاب پولیس نے معطل کرکےقرآن مجید کی سورۃ بقرۃ کی آیت مبارکہ کو بنیاد بنا کر قتل عام کا لائسنس بانٹ دیا۔ اپنی ٹوئیٹ میں یہ لکھا

"اور جب ان سے کہا جاتا ہے کہ زمین میں فساد نہ پھیلاؤ، تو وہ کہتے ہیں: "ہم تو اصلاح کرنے والے ہیں۔خبردار! یقیناً یہی لوگ فساد کرنے والے ہیں لیکن وہ سمجھتے نہیں۔"

(سورۃ البقرہ، آیات 11–12)

اسلام کے نام پر قائم ہونے والے وطن عزیز کو ہر گز کسی بھی مسلح جتھے یا گروہ کے مذموم عزائم کی بھینٹ نہیں چڑھنے دیں گے۔ پنجاب پولیس اپنے لہو کے آخری قطرے تک اس ملک و قوم اور اس میں بسنے والے شہریوں کے جان و مال کو محفوظ بنانے کا عزم کرتی ہے۔ ‘‘

اس خود ساختہ تشریح کے ساتھ قادیانی ، ملحدین، سیکولر و لبرلز کے سوا کوئی کھڑا ہو نے کو تیار نہیں۔سب سے اہم بات یہ ہے کہ ناپاک اسرائیلی وزیر اعظم نیتن یاہو اور اس کے دیگر حواری بھی سرزمین قدس مانگنے والوں کے لیے یہی تشریح کرتے ہیں کہ مسجد اقصیٰ مانگنے والے لوگ یہودیوں کی زمین پر فساد کر رہے ہیں ۔فسادی، جانور ، مذموم مقاصد کے الفاظ امریکی صدر ٹرمپ اور نیتن یاہو حماس کے لیے استعمال کرتا ہے اور خالص اپنے مذہب سے یہ تشریح پیش کرتا اور اپنے تنخواہ دار مسلمانوں سے بھی کراتا ہے۔

علمائے کرام کے لیے قرآن مجید کی ایسی تشریح پر سوال کھڑے ہوگئے ہیں ۔شہریوں کے جان و مال کی حفاظت کے نام پر کلمہ گو نہتے مسلمانوں کے قتل عام کے لیے جو حکم نکالے جا رہے ہیں وہ دین میں دراصل کیا مقام رکھتے ہیں؟ لوگ سوال کر رہے ہیں کہ اگر اسی طرح کی تشریح کے ساتھ کوئی پولیس یا حکومت کو فسادی قرار دے گا تو اس کا کیا انجام ہوگا؟