لاہور میں پولیس نے تحفظ مسجد اقصیٰ ریلی کے شرکا پر گولیاں چلا دیں، 10مسلمانوں کی شہادت ،50 زخمی کی اطلاعات

شعور نیوز( ویب ڈیسک) : لاہور میں پاکستان کی چوتھی بڑی سیاسی جماعت کے کارکنان پر پولیس نے گولیاں برسا دیں۔ ملکی بڑی سیاسی جماعت نے 10 اکتوبر کو پنڈی میں اسرائیلی مظالم کے خلاف ایک احتجاجی مارچ رکھا تھا ۔ پنجاب پولیس نے 7 اکتوبر سے سیاسی جماعت کے خلاف کریک ڈاؤن شروع کردیا۔ ناجائز گرفتاریاں ، چھاپوں کا سلسلہ اُن کے مرکزی دفتر مسجد رحمت للعالمین ﷺ تک جا پہنچا۔ پولیس نے 8 اکتوبر کو مسجد پر گولیاں برسا کر 2 کلمہ گو مسلمانوں کو شہید کردیا۔اس کے بعد اگلے دن 9 اکتوبر کو بھی مزید5 مسلمانوں کی شہادت کی اطلاعات آئیں۔ اسی طرح شیل اور گولیوں سے جو مسلمان زخمی ہوئے اُن کی تعداد بھی 50 سے زائد ہے۔ پولیس کی جانب سے وحشیانہ کارروائی کے جواب میں نہتے مسلمانوں نے بھی دھوئیں اور آگ میں قریب موجود اینٹوں و پتھروں سے اپنا دفاع کیا ۔

تحریک کا موقف ہے کہ جن لوگوں کو اپنا اسلحہ اسرائیل کے خلاف اپنے قبلہ اول کے تحفظ کے لیے چلانا تھا وہ اسلحہ اپنے مسلمان بھائیو پر چلایا جا رہا ہے ۔ اس ظلم کے باوجود قبلہ اول کے تحفظ کے مشن سے پیچھے نہیں ہٹیں گے ۔

پاکستان میں اہل سنت کی سب سے بڑی سیاسی جماعت کے امیر سعد حسین رضوی کے مطابق اُن کے کارکنان کی لاشیں بھی واپس نہیں دی جا رہیں۔ان سارے مظالم کے بعد تحریک نے فیصلہ کیا ہے کہ قبلہ اول کے تحفظ کی خاطر مارچ ضرور کیا جائیگا ۔ نماز جمعہ کے بعد 10اکتوبر کو پنڈی فیض آباد کی طرف قافلے نے مارچ شروع کر دیا۔ لاہور میں سیاسی انتظامیہ نے مکمل میڈیا اور انٹرنیٹ بلیک آؤٹ کر کے تمام تر ریاستی مشنری مارچ کو روکنے میں لگا دی ہے ۔ دوسری جانب اسلام آباد کو بھی مکمل سیل کر کے از خود عوام میں خوف کی فضا قائم کر دی گئی ہے۔ واضح رہے کہ اس سے قبل بھی کئی جماعتوں نے اسلام آباد میں اس طرح کی ریلی و مارچ منعقد کیے ہیں۔ پاکستان میں اہل سنت کی سب سے بڑی اور مقبول سیاسی جماعت لاہور میں پولیس کی طرف سے فضائی حملوں کا شکار ہے ۔ دوسری جانب مارچ رکوانے کے لیے قائدین کے گھروں پر پولیس چھاپے مار کر گھر والوں کو بھی گرفتار کر رہی ہے۔ تحریک کے امیر سعد رضوی کے گھر پر چھاپہ مار کر اُن کی اہلیہ اور 1 سال کی معصوم بچی کو گرفتار کر کے پولیس نے پوری دنیا کو جو پیغام دیا ہے اس کے لیے ہماری لغت میں الفاظ دستیاب نہیں۔