تاریخی سیلوٹ رنگ لے آیا، قیدی لیتے ہی اسرائیل کے غزہ پر حملے شروع ، امداد ی ٹرک روک دیئے

شعور نیوز( انٹرنیشنل ڈیسک): ناپاک اسرائیل سمیت عالمی نشریاتی اداروں کی خبر کےمطابق غزہ سٹی کے ہسپتال پر اسرائیلی حملے میں دو فلسطینی شہید کردیئےگئے۔غزہ کے الاہلی ہسپتال کے ایک طبی ذریعے کا کہنا ہے کہ شجاعیہ محلے پر اسرائیلی حملے میں دو فلسطینی نشانہ بن گئے ۔پوری دنیا دیکھ چکی ہے کہ حماس نے معاہدے کے مطابق اسرائیل کے زندہ قیدی بھی واپس کر دیئے اور مردہ بھی لوٹا دیئے۔ 13 اکتوبر 2025 کو پاکستان کے وزیر اعظم شہباز شریف نے غزہ پر بمباری کروانے والے امریکی صدر کو سیلوٹ کرکے جس امن کی طرف اشارہ کیا وہ اگلے دن ہی رنگ لے آیا۔

منگل 14 اکتوبر کو، اسرائیلی فورسز نے جنگ بندی معاہدے کے باوجود ساحلی انکلیو میں 9مسلمانوں کو شہید کیا۔پیر 13 اکتوبر کو معاہدے کے مطابق اپنے زندہ قیدی واپس لینے کے بعد اسرائیلی فوج نے اگلے ہی دن سے حملے شروع کردیئے۔ ریڈ کراس سمیت دیگر فلاحی ادارے چیخ رہے ہیں کہ اسرائیل نے امداد ی ٹرک و سپلائی روک دی ہے ۔ بدھ 15 اکتوبر کی دوپہر تک 2 مزید مسلمانوں کو شہید کرنے کی خبر آچکی ہیں۔

ناپاک اسرائیلی میڈیا سورسز کے مطابق اسرائیل حماس پر معاہدہ کی خلاف ورزی کا الزام لگا رہا ہے ۔ اسرائیلی میڈیا کے مطابق حماس نے اُن کے قیدیوں کی لاشوں کے مکمل ٹکڑے نہیں دیئے ہیں۔2سال کی قید کے دوران اسرائیلی بمباری میں مرنے والے اسرائیلی قیدیوں کی لاشوں کے جتنے اعضا دستیاب تھے وہ حماس نے واپس کردیئے۔ مختلف اطلاعات کے مطابق حما س کا کہناہے کہ کئی لاشیں ملبے میں دبی ہوئی ہیں جو کہ امدادی کاموں اور ملبہ ہٹانے کے بعد ہی نکالی جا سکیں گی۔