پاکستان کی زرعی نمو 6.25 سے 0.56 فیصد پر پہنچ گئی

شعور نیوز ( ویب ڈیسک) :حکومت پاکستان کی جاری کردہ رپورٹ کے مطابق پاکستان نے مالی سال 2024-25 میں مجموعی ذرعی نمو صرف 0.56 فیصد بڑھائی۔اس کم شرح نمو کا مطلب ہے سال بھر میں زراعت کی ترقی انتہائی سست رہی ہے۔گذشتہ سال 2023-24 میں زرعی نمو 6.25 فیصد کے حساب سے بڑھی تھی۔

سالانہ’زراعت کی نمو‘ کا مطلب یہ ہے کہ ایک مالی سال کے دوران ملک کی زراعت ( فصلیں، مویشی ، ماہی گیری، جنگلات وغیرہ) کی پیداوار میں کس فیصد سے اضافہ یا کمی ہوئی ہے۔
یہ عدد بتاتا ہے کہ زراعت نے معیشت میں کس حد تک مثبت کردار ادا کیا، اگر نمو زیادہ ہے تو زراعت کا حصہ معیشت میں بہتر ہو رہا ہے، اگر کم ہے یا منفی ہے تو زراعت کمزور ہو رہی ہے۔

2024 کے مالی سال میں زرعی شعبے نے صرف 0.56 فیصد اضافہ کیا ، جبکہ 2023 میں 6.25 فیصد اضافہ تھا۔

بھارت و بنگلہ دیش کے زرعی شعبے کی کار کردگی کے GDP میں حصے کو دلیل کے طور پر پیش کیا گیا ہے جس میں پاکستان کی مجموعی شرح زیادہ ہے۔

حکومتی رپورٹ میں بنیادی طور پر موسمی حالات کو بار بار وجہ کے طور پر بتایا گیا ہے ۔اس وجہ کے باوجود حکومت کی طرف سے زمین کو بچانے، زمین کی حفاظت، زمین کو مصنوعی کیمیکل زدہ طریقوں سے بچانے کی کوئی حکمت عملی نظر نہیں آتی۔ جدیدیت کے نام پر مستقل زمین کو ہی نہیں بلکہ موسمی تغیرات کو دعوت دی جا رہی ہے۔ اعداد و شمار ہی نہیں مجموعی صورتحال بتا رہی ہے کہ ایک زرعی ملک زراعت کے قدرتی اصولوں کو چھوڑ کر صنعتی جانب منتقل ہوتا نظر آرہا ہے جو آلودگی کے ساتھ زمین کی تباہی اور موسمی تغیرات کا بنیادی سبب ہے۔ تمام عالمی ماہرین متفق ہیں کہ موجودہ غیر محتاط زرعی پریکٹسز (کیمیائی کھادوں اور زہروں کا زیادہ استعمال) زمین اور ماحول کے لیے نقصان دہ ہیں۔