شعور نیوز( انٹرنیشنل ڈیسک):کینیڈا کے صوبے برٹش کولمبیا کے ایک اسکول ’ٹمبلر رج ‘میں اجتماعی قتل کی خونی واردات نے نام نہاد مہذب کہلانے والے لبرل ازم کا پردہ چاک کردیا ۔لبرل ازم کی اس آسان شکل میں 10 کینیڈین ہلاک جبکہ 25 زخمی ہوکر موت کے منہ میں چلے گئے۔ ابتدائی رپورٹس کے مطابق حملہ آور کو ممکنہ طور پر 17 سالہ لڑکی کہا گیا ۔کینیڈا کے صدر ، وزیر اعظم سب نے اس واقعہ پر اپنے دکھ کا اظہار کیا۔

کینیڈین پولیس کے مطابق ٹمبلر رج کے ہائی اسکول سے اور قریبی گھر سے بھی لاشیں نکلیں، ایک شخص ہسپتال لے جاتے ہوئے مر گیا۔ پولیس کے مطابق سب کا قتل ایک ہی کڑی سے جڑا ہوا ہے۔زخمیوں کو اسپتال منتقل کر دیا گیا ہے اور علاقے میں لاک ڈاؤن لگا کر کچھ گھنٹوں بعد علاقے کو خطرے سے کلیئر قرار دے دیا گیا۔ شروع میں سب اس طرح کے واقعات کو کسی مذہبی نوعیت کے عمل سے جوڑ کر دہشت گردی بتاتے ہیں لیکن جب یہ اصلاً لبرل دہشتگردی نکلتی ہے تو سب خاموش ہو جاتے ہیں۔سارا مغربی میڈیا اسی اصول پر عمل کرتا ہے۔ کینیڈین پولیس کے مطابق حملہ آور ممکنہ طور پر خاتون تھی، لگتا ہے اس نے خودکشی کی ہے۔

دوسری طرف سوشل میڈیا پر اُس لڑکی کے سوشل میڈیا اکاؤنٹس کا پوسٹ مارٹم کرتے ہوئے یہ بتایا گیا کہ مبینہ قاتل ’جیسی سٹرینگ‘ دراصل ایک لڑکا تھا جو کہ2023 سے لڑکی یعنی (ٹرانس) بن گیا تھا۔ اس بیانیے کے بعد اب یہ واقعہ اگر لڑکی کا ہے تو لبرل فیمن ازم دہشت گردی کا شاخسانہ کہلائیگا اور اگر ٹرانس ہے تو پھر ٹرانس دہشت گردی کا شاخسانہ کہلائیگا۔ دونوں صورتوں میں یہ لبرل ازم کی پیداوار ہے۔ ماہرین کاساری صورتحال دیکھ کر تجزیہ یہی ہے کہ اب اس قاتل کو ذہنی مریض بنا کر پیش کیا جائیگا اور یوں بات ختم ہوجائیگی۔ کوئی نہیں ہوگا جو یہ سوال کرے کہ یہ کون سی ؟ کس قسم کی بیماری ہے؟اور یہ بیماری کی رعایت صرف گوروں کو ہی کیوں؟