شعور نیوز( انٹرنیشنل ڈیسک):جنوبی اردن کے صوبہ کرک کے قصبے حمود میں ایک چرچ پر ہونے والے خونی حملے کوصیہونی مفادات کا ترجمان قرار دیاگیا۔مشرق وسطیٰ میں جاری جنگی صورتحال کے تناظرمیں تحریک مزاحمت غزہ اور فلسطینی علما کونسل نے مذمت کے ساتھ اسے قابض اسرائیلی دشمن کے مفادات کو تقویت دینے والا عمل قرار دیا ہے۔پورے اردن کی پولیس ،سیٹلائٹ، تھرمل کیمرے، جاسوسی کے ریڈار، جی پی ایس سسٹم، ڈرون کیمرے سمیت جدید سیکورٹی تنصیبات 2 دن میں بھی حملہ آور نہیں ڈھونڈ سکی ہے۔

کرک (Karak) میں ایک یونانی آرتھوڈوکس گرجا گھر میں کسی میت کی آخری رسومات کے دوران مسلح افراد نے فائرنگ کر دی، پہلے سے سوگوار خاندان کا غم ایک بھیانک قتلِ عام میں بدل گیا۔عمان سے 110 میل جنوب کی جانب، دہشت گردوں نے اس چرچ پر حملہ کر دیا، جس کے نتیجے میں کم از کم 8افراد ہلاک اور32دیگر زخمی ہو گئے۔

کرک چرچ حملے کے ایک زخمی نے میڈیا کو بتایا کہ نقاب پوش مسلح افراد نے فائرنگ کے دوران کچھ مذہبی نعرے لگائے ۔فلسطینی علما کونسل نے کہا ہے کہ اردنی مسیحیوں کو نشانہ بنانا پورے معاشرے پر حملہ اور ان کے درمیان فتنے کی آگ بھڑکانے کی کوشش ہے۔اس حملے کو بے گناہ انسانوں کے خون اور عبادت گاہوں کے احترام کی سنگین ورزی اور امن و امان کے لیے ایک بڑا خطرہ قرار دیا۔پاکستان ،سعودی عرب نے بھی حملے کی شدید مذمت کی ہے ۔

اردن فلسطین سے متصل ایک قومی ریاست ہے جس میں قریشی خاندان کے بادشاہ عبد اللہ دوم کی حکومت ہے۔ یہ حکومت اسرائیل نواز بھی ہے اور لازمی بات ہے کہ امریکہ نواز بھی ۔بیت المقدس کا انتظامی کنٹرول اردن کے پاس ہے۔اس کے ساتھ ایران، شام، سرحدی سلامتی اور علاقائی جنگیں اردن پر اضافی دباؤ ڈال رہی ہیں۔ 2026 کی علاقائی کشیدگی میں اردن خود بھی ایرانی حملوں کی زد میں آیا۔اردنی وزیراعظم جعفر حسن نے اسے "terrorist takfiri ideology" کا نتیجہ قرار دیا، جبکہ وزیر داخلہ نے حملہ آوروں کو extremists کہا۔ داعش نامی تنظیم کی طرف سے اس واقعہ کی ذمہ داری قبول کرنے کی غیر مصدقہ اطلاعات ہیں۔ حملے کے فوراً بعد malls، سفارت خانوں اور حساس مقامات پر سکیورٹی بڑھا دی گئی ہے۔ اس لیے آنے والے دنوں میں شدت پسند نیٹ ورکس، مذہبی نفرت انگیزی اور مشتبہ گروہوں کے خلاف کارروائیاں بڑھنے کا امکان ہے۔اردن میں عیسائیوں کے ساتھ مسلمانوں کاکبھی کوئی داخلی مسئلہ نہیں رہا ۔اردن اور اسرائیل کے سیاسی تعلقات خراب ہونے کے باوجود دونوں ممالک میں خاموش security cooperation موجود ہے۔ دہشت گردی کے خطرات اس تعاون کی operational اہمیت بڑھا سکتے ہیں۔ قابض اسرائیل میں 27 اکتوبر کو الیکشن ہیں ، ظاہر ہے کہ کوئی 2 لاکھ کے قریب عیسائیوں کو بھی الیکشن میں ووٹ ڈالنا ہے جن کے بالکل پڑوس میں اردن ہے۔