شعور نیوز( ویب ڈیسک): پاکستان کے ایک غیر شرعی قانون اور ٹرمپ کے پیس بورڈ میں شمولیت کے خلاف جمعیت علمائے اسلام (ف) کے سربراہ مولانا فضل الرحمان ڈٹ گئے۔35 منٹ کی تفصیلی تقریر میں حکومتی اقدامات اور عالمی سرمایہ دارانہ نظام اور امریکی صدر ٹرمپ کو اغوا کار کہہ کر سخت تنقید کری۔

امریکی صدر کی سربراہی میں قائم پیس بورڈ پر سخت تنقید کرتے ہوئے اُن کا کہنا تھا کہ ’’اگر پیس بورڈ کے نکات میں تبدیلیاں ہوئیں تو آپ کیوں گئے۔ڈونلڈ ٹرمپ اسرائیل کی قوت جارحیت کو تقویت دے رہا ہے، ٹرمپ حماس کو دھمکیاں دے رہا ہے۔امریکا نے افغانستان، عراق اور لیبیا کی اینٹ سے اینٹ بجادی۔ اسرائیل ایران پر حملہ کرنے کے بعد تفتان کی سرحد پر کھڑا ہوگا۔ انہوں نے قابض اسرائیل کے ساتھ پیس بورڈ میں بیٹھنے پر سخت مذمت کی جو جنگ بندی کے باوجود غزہ پر بمباری میں امن بورڈ کا رکن بنے گا، جبکہ یورپی ممالک نے اس بورڈ میں بیٹھنے سے منع کر دیا ہے۔

مولانا نے تصور امت کے ساتھ قبلہ اول سے تعلق اور اُس سے متعلق ذمہ داریوں کو حدیث مبارکہ اور شرعی احکامات کی روشنی سمجھایا ۔اُنہوں نے کہا کہ اپنے ملک کو صحیح کر نہیں سکتے ، بنگال چلا گیا، اپنا کشمیر تو لے نہیں سکتے اور غزہ جا کر وہاں امریکہ کے مظالم میں شریک ہو رہے ہیں۔انہوں نے وزیر اعظم پاکستان پر سخت تنقید کی کہ اس سارے عمل میں پارلیمنٹ اور اپوزیشن کو اعتماد میں نہیں لیا گیا۔

مولانا نے اسمبلی فلور پر علانیہ کہہ دیا کہ اگر حکومت ٹرمپ کا دباؤ برداشت نہیں کر سکی تو استعفیٰ دےد ے۔ غیر شرعی قانون کے خلاف وہ خود 18 سال سے کم عمر نوجوانوں کی شادیاں کرائیں گے ۔

پارلیمنٹ کے مشترکہ اجلاس میں خطاب کرتے ہوئے مولانا فضل الرحمان نے کہا کہ ’’اس قانون سازی کو اسلامی نظریاتی کونسل بھیجا جاتا تو اچھا ہوتا، میں آپ کے قانون کی خلاف ورزی کروں گا، 10-12-15-16سال سے کم عمر نوجوانوں کی شادیاں خود بیٹھ کر کراؤں گا، دیکھتا ہوں کون روکتا ہے؟میں آپ کے ایسے قانون اور قانون سازی کو چیلنج کرتا ہوں۔اس قانون سازی میں صاف لکھا ہوتا ہے کہ یہ قوانین اقوام متحدہ ، ایف اے ٹی ایف کے مطابق بنا رہے ہیں جبکہ ہم نے اپنے ملک کے قرآن و سنت والے آئین پر حلف اٹھایا ہے۔

انہوں نے صاف کہا کہ ’’میں اپنا شدید احتجاج ایوان میں ریکارڈ کرا رہا ہوں، ہم ایسے قوانین اس ملک میں نہیں چلنے دیں گے، میں آپ کے اس مائنڈ سیٹ کے خلاف ہوں جس نے یہ قانون بنایا، یہ ڈنگ ٹپاؤ کی سیاست مناسب نہیں۔انہوں نے عائلی قوانین کی ‘‘