اسرائیلی فوج نے چوتھی بار فریڈم فلوٹیلا کی متعدد کشتیوں پر حملہ کرکے روک لیا

شعور نیوز ( غزہ ویب ڈیسک):ناپاک اسرائیلی فوج نے غزہ کا محاصرہ توڑنے کے لیے غذائی امداد لانے والے قافلے کی کشتیوں پر چوتھی مرتبہ حملہ کرکے سب کو گرفتار کرلیا۔فریڈم فلوٹیلا کولیشن (ایف ایف سی)، ایک بین الاقوامی نیٹ ورک جو فلسطین کا حامی ہے اور غزہ کے لیے کشتیوں میں امدادی سامان بھجوانے کے کام کو منظم کرتا ہے۔ نیٹ ورک کے نمائندوں نے کہا ہے کہ بدھ کے روز اس کی کشتیاں اسرائیلی فوج کے "حملے کی زد میں" تھیں ، غزہ کی پٹی کی طرف جانے والی کئی کشتیوں کو اسرائیلی فوج نے زبردستی روک لیا۔ایف سی سی نے کہا ہے کہ بحری کشتیوں میں غزہ کے ہسپتالوں کے لیے ایک لاکھ ڈالر مالیت کی ادویات، طبی آلات اور غذائی سامان کی امداد شامل تھی۔

اسرائیلی وزارت خارجہ نے ٹوئیٹ میں بتایا ہے کہ ’’بحری ناکہ بندی کی خلاف ورزی کرنے اور جنگی زون میں داخل ہونے کی ایک اور ناکام کوشش بے نتیجہ ختم کر دی گئی ۔ جہازوں اور مسافروں کو اسرائیلی بندرگاہ پر منتقل کر دیا گیا ہے۔ تمام مسافر محفوظ اور خیریت سے ہیں۔ توقع ہے کہ مسافروں کو فوری طور پر ملک بدر کر دیا جائے گا۔‘‘

ناجائز اسرائیل یہ سب کام امریکہ کی طرف سے 20 نکات کو ماننے اور مذاکرات کی میز پر بیٹھ کر کر رہا ہے ۔امریکہ اس سلسلے میں مکمل پیٹھ موڑے کھڑا ہے کہ غزہ کے لوگوں کو امداد پہنچانے میں بھی اُس کی سنجیدہ خواہش شامل نہیں ۔