فلوٹیلا اپڈیٹ:اسرائیل نے گلوبل فلوٹیلا کے 4 اطالوی کارکنوں کو ڈی پورٹ کردیا

شعور نیوز( انٹرنیشنل ڈیسک) : عالمی دباؤ پر اسرائیل نے فلوٹیلا میں شامل امدادی کارکنوں کی رہائی شروع کردی۔اسرائیلی جیل انتظامیہ کے مطابق 200 سے زائد کارکنان کو صحرائے نقب کی جیل منتقل کر دیا گیا ہے، جہاں ان کے خلاف آبادی و امیگریشن اتھارٹی کے تحت کارروائی ہوگی۔ناپاک اسرائیل نے تیسرے عالمی صمود فلوٹیلا میں شامل 40 سے زیادہ کشتیوں کو روکا ۔ پاکستان، اٹلی، سپین اور دیگر ممالک سے 450 سے زیادہ کارکنان کو حراست میں لیا تو اسے بین الاقوامی سطح پر مذمت اور احتجاج کا سامنا کرنا پڑ رہا ہے۔

کولمبیا نے رد عمل میں آگے بڑھ کر اسرائیلی سفارتکاروں کو ملک بدر کرنے اور فری ٹریڈ معاہدہ ختم کرنے کا اعلان کیا ہے۔

سوئٹزرلینڈ کی پولیس نے بتایا ہے کہ جنیوا میں مظاہروں کے دوران پولیس سے جھڑپیں ہوئیں۔ پولیس نے مظاہرین پر آنسو گیس اور واٹر کینن کا استعمال کیا تھا۔سوئٹزرلینڈ میں اس نوعیت کی جھڑپیں نہیں ہوتی ، تاہم غزہ کے حق میں ہونے والے احتجاجوں میں پرتشدد واقعات میں اضافہ ہوا ہے۔فلوٹیلا کو روکنے کے خلاف اٹلی، جرمنی، استنبول ،کراچی، لاہور، ایران میں بھی عوام کے احتجاجی مظاہرے ہوئے ۔