علامتی احتجاج، زبانی مذمتوں سے بھرے غزہ پر اسرائیلی حملوں کے 2 خونی سال مکمل

شعور نیوز( انٹرنیشنل ڈیسک) : غزہ پر 730ویں دن بھی مسلسل امریکی فوجی اور سیاسی پشت پناہی کے ساتھ، اسرائیلی جاری ہیں۔ غزہ پر فضائی حملوں، بمباری، فاقہ کشی ، بے گھر شہریوں اور امداد کے متلاشی شہریوں کو نشانہ بنانےکا سلسلہ 50+ اسلامی ممالک کی لاتعلقی کے ساتھ جاری ہے ۔6 اکتو بر 2025 کو اسرائیلی حملوں کے دو سال مکمل ہوگئے ۔ آخری اطلاعات کے مطابق صبح سے غزہ کی پٹی میں امداد کے متلاشیوں سمیت کم از کم سات فلسطینی شہید ہوچکے ۔ یہ ایسے وقت میں جب امریکی صدر ٹرمپ 3 دن قبل اسرائیل کو منع کر چکے ہیں کہ اب کوئی بمباری کوئی ہلاکت نہیں ہونی چاہیے۔

اسرائیلی افواج نے مسلسل تیسرے دن امریکی صدر کی بمباری روکنے کے مطالبات کو نظر انداز کیا ہو اہے۔غزہ شہر کو خالی کرنے اور تباہ کرنے کی کوششوں میں حملوں پر اسرائیلی توجہ مرکوز رہی ۔

دوسری طرف حماس اور اسرائیل کے وفود، ثالثوں کے ساتھ، بات چیت کے لیے مصر پہنچ گئے۔ امریکی صدر ڈونلڈ ٹرمپ نے مذاکرات کاروں سے غزہ کی پٹی پر 2سال سے جاری جنگ کو جلد ختم کرانے کاکہا ہے۔حماس کے وفد کی سربراہی خلیل الحیا کر رہے ہیں جنہیں گذشتہ ماہ قطر میں اسرائیل کی جانب سے قاتلانہ حملے میں نشانہ بنانے کی کوشش کی گئی تھی ۔

اکتوبر 2023 سے غزہ پر اسرائیل کی جنگ میں کم از کم 67,160 افراد شہید اور 169,679 زخمی ہوچکے ہیں۔ خیال کیا جاتا ہے کہ مزید ہزاروں افراد ملبے تلے دبے ہوئے ہیں۔ ان پورے 2سالوں میں بھی تمام 50+ اسلامی ممالک نے مغرب کےبنائے ہوئے طریقہ کار کے مطابق مذمتوں، قراردادں، اجلاسوں، امدادی سامان، بیان بازی کا بھرپور استعمال کیا ۔ 2سال تک ان سب اصولوں پر عمل کرنے کے باوجود یہ سارے کام ایک دن کے لیے بھی غزہ پر حملے نہیں رُکوا سکے۔ اس دوران عالمی قوانین، عالمی عدالت ، عالمی اداروں وغیرہ نے بھی ایسے ہی کام کیے اور وہ بھی 1 دن کے لیے اسرائیل کو نہیں روک سکیں۔