شعور نیوز( انٹرنیشنل ڈیسک):غزہ کی پٹی کی ملبے سے بھری سرزمین پر طویل برسات اور سردی کی یخ بستہ ہواؤں نے آزمائش کا دائرہ کار 1128 دن پر پھیل گیا ہے۔ یہ چوتھا موسم سرما ہے جسے اہل غزہ صبر و استقامت کے ساتھ برداشت کر رہے ہیں۔محافظین قبلہ اول کی تحریک نے جنگ بندی معاہدہ کرانے والے ممالک سے مطالبہ کیا ہے کہ وہ فی الفور رستے کھلوائیں اور قابض اسرائیلی فوج کا ناجائز محاصرہ ختم کرائیں تاکہ ملبہ اور پانی کی نکاسی ممکن ہو سکے۔

غزہ کی پٹی کے خشک علاقوں میں منگل 10 نومبر کو بھی قابض اسرائیلی فوج کی جانب سے بمباری اور فائرنگ جاری رہی ۔ ایک بچے سمیت تین فلسطینی شہید اور متعدد شدید زخمی ہو گئے۔ یہ پیش رفت قابض دشمن کی جانب سے دو ماہی گیر کشتیوں کی تباہی، توپ خانے کی شیلنگ اور رہائشی مکانات کو دھماکوں سے اڑانے کے ان کارروائیوں کے ساتھ سامنے آئی ہے جو جنگ بندی معاہدے کی مسلسل اسرائیلی خلاف ورزیوں کا حصہ ہیں۔پٹی کے وسطی علاقے میں قابض فوج کے توپ خانے نے دیر البلح شہر کے مشرقی علاقوں کو نشانہ بنایا، جبکہ المغازی پناہ گزین کیمپ کے مشرق میں ایک مکان پر گولہ جا لگا۔ اس کے ساتھ ہی قابض افواج نے کیمپ کے مشرقی حصوں میں رہائشی مکانات کو بموں سے اڑانے کی تین شدید کارروائیاں انجام دیں۔غزہ میں فلسطینی وزارت صحت کے مطابق جنگ بندی کے نفاذ کے بعد سے اب تک شہدا کی تعداد 1,613 ہو چکی ہے، جبکہ 5,833 افراد زخمی ہوئے ہیں۔

دوسری جانب برسات سے متاثر ہ علاقوں میں جہاں لاکھوں بے گھر مسلمانوں کے خیمے آندھی، طوفانی ہواؤں اور شدید برسات میں تباہ حالی کا شکار ہیں۔ محفوظ پناہ کے ہر ایک راستے کی مسدودی اور ماحول کے ہولناک بگاڑ کے سائے تلے، ان کے دردناک کیمپوں کے ارد گرد پھیلے ہوئے مٹی کے ٹیلے اور ریتلی ڈھلوانیں اچانک خاموش مقتلوں اور اجتماعی قبروں میں تبدیل ہو چکی ہیں۔

8 نومبر کو وسطی غزہ کی پٹی کے علاقے دیر البلح کے جنوب میں، ’ارض الرباط‘ کیمپ کے اندر بے گھر ہونے والے دو سہمے ہوئے خاندانوں کے بوسیدہ خیموں پر ریت کا ایک تودہ آ گرا۔ اس روح فرسا آفت نے ایک تڑپتی ماں اور تین معصوم بچوں سمیت پانچ فلسطینی مسلمانوں کے سانسوں کی ڈور توڑ دی اور متعدد کو شدید زخمی کر دیا؛ یہ ایک ایسا سانحہ ہے جس نے غیر مستحکم ریتلی ساختوں کے دامن میں دربدری کے خیمے گاڑنے کے مہلک نتائج کو ایک بار پھر عریاں کر دیا ہے۔ریسکیو ٹیمیں اب بھی مٹی کی تہوں میں امید کی رمق اور زندگی کے دیگر آثار تلاش کر رہی ہیں۔یہ دل دوز واقعہ قدرت کے کسی عارضی طوفان کا اتفاقی نتیجہ نہیں تھا بلکہ اس نے بے کسوں کو گھیرنے والے خطرات کا وہ دوسرا خونی رخ بے نقاب کیا ہے جو ریتلی مٹی کے ربط ٹوٹنے اور بارش کے پانی سے تر بتر ہو کر ان ٹیلوں کے اچانک گرنے کی صورت میں سامنے آتا ہےبالخصوص ان علاقوں میں جہاں خیمے بغیر کسی جیولوجیکل اور سکیورٹی تدابیر کے محض زندہ رہنے کی لاحاصل جدوجہد میں بے ترتیبی سے گاڑ دیے گئے ہیں۔

سب ادارے چیخ رہے ہیں اور دستیاب عالمی برادری سے فوری ریلیف اقدامات کا مطالبہ کر رہے ہیں کہ وہ لاکھوں بے گھر انسانوں کے لیے پائیدار اور محفوظ مساکن فراہم کریں تاکہ انسانیت کے اس مزید قتلِ عام کو روکا جا سکے۔اصلی خطرہ اس بات میں مضمر ہے کہ یہ خیمے ریت کی اونچی اور کٹاؤ کا شکار ڈھلوانوں کے بالکل نیچے قائم ہیں؛ جس کا مطلب یہ ہے کہ ذرا سی بارش یا ہوا کے جھونکے سے ریت کی بھاری مقدار اچانک نیچے گر کر ان خیموں کو اپنی لپیٹ میں لے سکتی ہے۔
پاکستان کے وزیر اعظم شہباز شریف نے بھی غزہ کی اس سنگین صورتحال کا نوٹس لیا ہے ، ان کے علاوہ یورپی یونین ، برطانیہ ،فرانس، کینیڈا، ترکیہ اور امارات نے بھی امداد بھجوانے کی جانب توجہ بڑھائی ہے۔