شعور نیوز(ویب ڈیسک):ایڈیشنل سیشن جج راولپنڈی محمد عرفان انجم نے تھانہ FIA/CCRC راولپنڈی کے مقدمہ نمبر *FIR No. 119/2022 مورخہ 16.11.2022 میں اہم فیصلہ سناتے ہوئے گستاخی کے مرتکب ملزم واجد زرین عباسی ولد محمد زرین عباسی کو جرم ثابت ہونے پر قرار واقعی سزا سنا دی۔کورٹ نے ملزم کو زیر دفعہ 11 پیکا 2016 بمعہ دفعات 295-A / 295-B / 295-C / 298-A / 34 / 109 ت پ کے تحت مجرم قرار دیا۔

چار سال تک مقدمہ کورٹ میں پوری طرح چلا جس میں ملزم کے وکیل نے بھی اپنے طور سے پوری کوشش کی ، مگر موبائل و دیگر فارنزک ڈجیٹل ثبوتوں کا انکار کرنا آسان نہیں ہوتا اس لیے ملزم کے تمام جرائم کورٹ کے سامنے کھلتے چلے گئے اور تاخیری حربوں کے باوجود ملزم کو سزا ہوگئی۔

کورٹ کی جانب سے سنائی گئی سزاؤں کی تفصیل:

1. دفعہ 295-C ت پ: سزائے موت بذریعہ پھانسی، ہائی کورٹ سے توثیق سے مشروط، اور 10 لاکھ روپے جرمانہ۔ عدم ادائیگی پر 6 ماہ مزید قید۔

2. دفعہ 295-A ت پ:3. 10 سال قید بامشقت اور 3 لاکھ روپے جرمانہ۔

3. دفعہ 295-B ت پ:4. عمر قید بامشقت۔

4. دفعہ 298-A ت پ:5. 3 سال قید اور 1 لاکھ روپے جرمانہ۔

5. دفعہ 11 پیکا 2016:6. 7 سال قید بامشقت اور 2 لاکھ روپے جرمانہ۔

کورٹ نے حکم دیا کہ تمام قید کی سزائیں اکھٹی چلیں گی اور ملزم کو دفعہ 382-B (ض ف )کا فائدہ دیا گیاہے۔ عدالت نے مزید قرار دیا کہ سزائے موت پر عمل درآمد لاہور ہائی کورٹ لاہور سے توثیق کے بغیر نہیں ہوگا۔عدالت نے سپرنٹنڈنٹ سینٹرل جیل راولپنڈی کو وارنٹ آف کنوکشن جاری کرتے ہوئے مجرم کو جیل میں بند رکھنے کا حکم دیا ہے۔یہ فیصلہ توہین مذہب اور سوشل میڈیا پر مذہبی منافرت پھیلانے والوں کے خلاف ریاستی اداروں کی بڑی کامیابی ہے۔اس کے نتیجے میں بزنس، رشوت جیسے پھیلائے گئے جھوٹے پروپیگنڈے بھی زائل ہوئے ہیں اور لوگوں کو یقین آیا ہے کہ ہمارے نوجوانوں کو فحش مواد کی آڑ میں منظم طریقے سے بدترین گستاخیوں کا مرتکب بنایا جا رہا ہے۔