شعورنیوز( انٹرنیشنل ڈیسک):امریکی مشہور اخبار واشنگٹن ٹائمز کی رپورٹ کے مطابق امریکی کالج میں پڑھنے والے 22 فیصد نوجوان طلبہ سمجھتے ہیں کہ امریکہ نائن الیون جسے واقعات کا ہی مستحق ہے۔شرمناک بات یہ ہے کہ امریکی دباؤ میں جو لوگ اس عمل کی مخالفت و مذمتیں کرتے رہے آج اُسی امریکہ کے عوام کی رائے بدل رہی ہے۔یہ انکشاف امریکہ کے ایک تھنک ٹینک ’بکلے انسٹی ٹیوٹ‘ (Buckley Institute) کے حالیہ سروے کے نتائج سے سامنے آیا۔ امریکی جامعات کے طلبہ کی ایک قابلِ ذکر تعداد کی آراء میں خارجہ پالیسی، معاشی نظام اور آزادیِ اظہار کے حوالے سے واضح تبدیلی دیکھی گئی ہے۔

امریکی مشہور اخبار واشنگٹن ٹائمز کی رپورٹ کے مطابق اس سروے میں شامل 803 انڈر گریجویٹ طلبہ میں سے 22 فیصد (تقریباً ہر پانچ میں سے ایک طالب علم) نے اس بات سے اتفاق کیا کہ امریکہ 11 ستمبر 2001 کے حملوں کا مستحق تھا۔سروے کے اہم نکات بکلے انسٹی ٹیوٹ کی جانب سے جاری کردہ اعداد و شمار کے مطابق طلبہ کے رجحانات درج ذیل ہیں:

9/11 کے واقعات پر رائے: سروے میں شریک 22 فیصد طلبہ نے کہا کہ امریکہ 9/11 حملوں کا مستحق تھا۔ سیاسی وابستگی کے اعتبار سے لبرل طلبہ میں یہ شرح 28 فیصد تھی جبکہ کنزرویٹیو طلبہ میں 17 فیصد اور معتدل مزاج طلبہ میں 16 فیصد ریکارڈ کی گئی۔

اسرائیل اور فلسطین کے حوالے سے مؤقف: سروے کے نتائج ظاہر کرتے ہیں کہ امریکی طلبہ کی بڑی تعداد فلسطین کو امریکہ کے لیے بہتر اتحادی سمجھتی ہے۔ 38 فیصد طلبہ نے فلسطین کے حق میں رائے دی جبکہ 25 فیصد نے اسرائیل کو بہتر اتحادی قرار دیا۔

معاشی نظام کی ترجیح: 42 فیصد طلبہ نے سرمایہ دارانہ نظام (کیپٹل ازم) کے بجائے سوشلزم کے تحت زندگی گزارنے کو ترجیح دی، جبکہ 28 فیصد نے سرمایہ داری کی حمایت کی۔ تھنک ٹینک کے مطابق گزشتہ سال کے مقابلے میں یہ رجحان الٹ گیا ہے، جب 40 فیصد طلبہ نے سرمایہ داری اور 36 فیصد نے سوشلزم کی حمایت کی تھی۔

آزادیِ اظہار پر پابندی: 40 فیصد طلبہ نے اس خیال کی حمایت کی کہ دل آزاری یا اشتعال انگیز تقاریر (Offensive speech) پر فوجداری مقدمات چلائے جانے چاہئیں، جو گزشتہ سال کے 33 فیصد کے مقابلے میں زیادہ ہے۔

مختلف حلقوں کا ردِعمل اور تجزیہ

ادارے کا مؤقف:بکلے انسٹی ٹیوٹ کی بانی اور ایگزیکٹو ڈائریکٹر لارن نوبل نے سروے کے نتائج پر تشویش کا اظہار کرتے ہوئے کہا کہ امریکی جامعات میں سنسرشپ اور آزادانہ مکالمے کو روکنے کے رجحانات برقرار ہیں۔ ان کا کہنا تھا کہ امریکہ کے قیام کی 250 ویں سالگرہ کے موقع پر طلبہ کا جھکاؤ تیزی سے سوشلزم کی جانب ہوا ہے، اور یہی طبقہ نفرت انگیز تقریر روکنے کے نام پر سخت اقدامات کی حمایت کر رہا ہے۔

مبصرین کی آراء:تجزیہ کاروں کا ایک طبقہ ان نتائج کو امریکی تعلیمی اداروں میں جاری فکری تبدیلی، عالمی تنازعات بالخصوص مشرقِ وسطیٰ کی صورتِ حال پر نئی نسل کے تنقیدی جائزے اور امریکی خارجہ پالیسی سے بڑھتی ہوئی بے اطمینانی کا عکاس قرار دیتا ہے۔ ان کے مطابق نوجوان نسل روایتی بیانیوں کے بجائے متبادل نقطہ نظر اختیار کر رہی ہے۔اہم بات یہ ہے چند سال بعد جو لوگ طوفان الاقصیٰ کی مخالفت کرتے رہے ،اُن کی رائے بھی بدل سکتی ہے۔

دوسری جانب، ناقدین اور بعض ماہرینِ سماجیات کا کہنا ہے کہ کسی ایک سروے کے محدود نمونے (803 طلبہ) کی بنیاد پر پورے امریکی معاشرے یا تمام جامعات کے طلبہ کی حتمی رائے کا اندازہ لگانا قبل از وقت ہو سکتا ہے۔ ان کے نزدیک اس طرح کے سروے مخصوص سیاسی یا نظریاتی تناظر میں بحث کو آگے بڑھانے کے لیے استعمال ہوتے ہیں اور زمینی حقائق میں تنوع پایا جاتا ہے۔

شرمناک پہلو:
ایک پورے ایمانی اور عقیدے کی بنیاد پر کیے گئے عمل کواُس کے ماننے والوں کی جانب سے قابل مذمت و شرمندگی بنایا گیا ۔کچھ سال بعد اُس خطے سے جہاں وہ عمل ہوا ،اُن کی اگلی نسل نے ایسے مزید اقدامات کی حمایت کر ڈالی۔جو لوگ شہید کے خون کے اثر کا عقیدہ رکھتے ہیں وہ تو اس تبدیلی پر خوش ہیں ، جیسا کہ غزہ کے شہدائے قدس کی قربانیوں سے مغرب کی رائے بدلی ہے۔ تاہم کچھ تجزیہ کاروں کے لیے یہ حمایت ’سوشل ازم ‘ کے باطل عقائد سے برآمد ہوئی جس کا نتیجہ یہ ہوگا کہ ایک بار پھر دین حق اور الہامی ہدایات پر کھڑے برحق عقائد کو اس مغربی مرعوبیت کی وجہ سے جگہ نہ مل سکے وگرنہ الحق تو سورج کی کرنوں کی طرح اپنی جگہ بنا لیتا ہے۔